1ⲉⲓϣⲡϩⲓⲥⲉ ϩⲛ ⲧⲁⲯⲩⲭⲏ ϯⲛⲁⲟⲩⲉϩ ⲛⲁⲓ ⲛⲧⲁϣⲁϫⲉ ⲉϩⲣⲁⲓ ⲉϫⲱϥ ⲉⲓⲁϣⲁϩⲟⲙ ϯⲛⲁϣⲁϫⲉ ⲉⲓϣⲟⲟⲡ ϩⲙ ⲡⲛⲟⲩϭⲥ ⲛⲧⲁⲯⲩⲭⲏ</ab>
2ⲧⲁϫⲟⲟⲥ ⲙⲡϫⲟⲉⲓⲥ ϫⲉ ⲙⲡⲣⲧⲥⲁⲃⲟⲓ ⲉⲣⲛⲟⲃⲉ ⲁⲩⲱ ⲉⲧⲃⲉ ⲟⲩ ⲉⲕⲕⲣⲓⲛⲉ ⲙⲙⲟⲓ ϩⲁ ⲛⲁⲓ</ab>
3ⲙⲏ ⲛⲁⲛⲟⲩⲥ ⲛⲁⲕ ⲉⲓϣⲁⲛⲣⲛⲟⲃⲉ ϫⲉ ⲁⲕⲕⲱ ⲛⲥⲱⲕ ⲛⲛⲉϩⲃⲏⲩⲉ ⲛⲛⲉⲕϭⲓϫ ⲁⲕϯϩⲧⲏⲕ ⲇⲉ ⲉⲡϣⲟϫⲛⲉ ⲛⲛϣⲁϥⲧⲉ</ab>
4ⲙⲏ ⲉⲕⲛⲁⲩ ⲛⲑⲉ ⲉϣⲁⲣⲉ ⲟⲩⲣⲱⲙⲉ ⲛⲁⲩ</ab>
5ⲏ ⲟⲩⲁϩⲉ ⲛⲣⲱⲙⲉ ⲡⲉ ⲡⲉⲕⲁϩⲉ ⲏ ⲛⲉⲕⲣⲟⲙⲡⲉ ϩⲉⲛⲣⲟⲙⲡⲉ ⲛⲣⲱⲙⲉ ⲛⲉ</ab>
6ϫⲉ ⲁⲕϣⲓⲛⲉ ⲛⲥⲁ ⲧⲁⲁⲛⲟⲙⲓⲁ ⲁⲩⲱ ⲁⲕϩⲟⲧϩⲧ ⲛⲥⲁ ⲡⲁⲛⲟⲃⲉ</ab>
7ⲕⲥⲟⲟⲩⲛ ⲅⲁⲣ ϫⲉ ⲙⲡⲉⲓⲣⲛⲟⲃⲉ ⲁⲗⲗⲁ ⲛⲓⲙ ⲡⲉⲧⲛⲁⲣⲃⲟⲗ ⲉⲛⲉⲕϭⲓϫ</ab>
8ⲛⲉⲕϭⲓϫ ⲛⲉⲛⲧⲁⲩ ⲡⲗⲁⲥⲥⲉ ⲙⲙⲟⲓ ⲁⲩⲧⲁⲙⲓⲟⲓ ⲙⲛⲛⲥⲱⲥ ⲁⲕⲕⲟⲧⲕ ⲁⲕⲣⲁϩⲧ</ab>
9ⲁⲣⲓⲡⲙⲉⲉⲩⲉ ϭⲉ ϫⲉ ⲛⲧⲁⲕⲡⲗⲁⲥⲥⲉ ⲙⲙⲟⲓ ⲛⲟⲙⲉ ⲁⲩⲱ ⲟⲛ ⲕⲛⲁⲕⲧⲟⲓ ⲉⲡⲕⲁϩ</ab>
10ⲙⲏ ⲛⲧⲟⲕϩⲟⲣⲧ ⲁⲛ ⲛⲑⲉ ⲛⲟⲩⲉⲣⲱⲧⲉ ⲁⲕⲧⲟⲕⲧ ⲇⲉ ⲛⲑⲉ ⲛⲟⲩϩⲁⲗⲱⲙ</ab>
11ⲁⲕϯϩⲓⲱⲱⲧ ⲛⲟⲩϣⲁⲁⲣ ⲙⲛ ϩⲉⲛⲁϥ ⲁⲕⲙⲟⲗϩⲧ ⲇⲉ ⲛϩⲉⲛⲕⲉⲉⲥ ⲙⲛ ϩⲉⲛⲙⲟⲩⲧ</ab>
12ⲁⲕⲕⲱ ⲛϩⲏⲧ ⲛⲟⲩⲱⲛϩ ⲙⲛ ⲟⲩ ⲛⲁ ⲡⲉⲕϭⲙⲡϣⲓⲛⲉ ⲇⲉ ⲡⲉⲛⲧⲁϥϩⲁⲣⲉϩ ⲉⲡⲁⲡⲛⲁ</ab>
13ⲉⲟⲩⲛⲧⲕ ⲛⲁⲓ ⲛϩⲏⲧ ϯⲥⲟⲟⲩⲛ ϫⲉ ⲟⲩⲛ ϭⲟⲙ ⲙⲙⲟⲕ ⲉϩⲱⲃ ⲛⲓⲙ ⲙⲛ ⲗⲁⲁⲩ ⲇⲉ ⲟ ⲛⲁⲕ ⲛⲁⲧϭⲟⲙ</ab>
14ⲉⲓϣⲁⲛⲣⲛⲟⲃⲉ ⲅⲁⲣ ⲕⲛⲁϯϩⲧⲏⲕ ⲉⲣⲟⲓ ⲙⲡⲉⲕⲧⲃⲃⲟⲓ ⲇⲉ ⲉⲛⲁⲁⲛⲟⲙⲓⲁ</ab>
15ⲟⲩⲟⲓ ⲅⲁⲣ ⲛⲁⲓ ⲡⲉ ⲉⲓϣⲁⲛⲣⲛⲟⲃⲉ ⲉϣⲱⲡⲉ ⲟⲛ ⲁⲛⲅ ⲟⲩⲇⲓⲕⲁⲓⲟⲥ ⲙⲛ ϣϭⲟⲙ ⲙⲙⲟⲓ ⲉϥⲉⲓϫⲱⲓ ⲉϩⲣⲁⲓ ϯⲙⲉϩ ⲅⲁⲣ ⲛⲥⲱϣ</ab>
16ⲥⲉϭⲟⲣϭ ⲅⲁⲣ ⲉⲣⲟⲓ ⲛⲑⲉ ⲛⲛⲉⲓⲙⲟⲩⲓ ⲉⲩⲡⲁϩⲥ ⲁⲩⲱ ⲟⲛ ⲁⲕⲕⲟⲧⲕ ⲁⲕⲧⲁⲕⲟⲓ ⲉⲙⲁⲧⲉ</ab>
17ⲁⲕⲉⲓⲣⲉ ⲛⲧⲁⲥⲏϣⲉ ⲛⲃⲣⲣⲉ ⲉⲣⲟⲓ ⲁⲕⲭⲣⲱ ⲇⲉ ⲛⲁⲓ ϩⲛ ⲟⲩⲛⲟϭ ⲛⲟⲣⲅⲏ ⲁⲕⲉⲓⲛⲉ ⲇⲉ ⲉϩⲣⲁⲓ ⲉϫⲱⲓ ⲛϩⲉⲛⲙⲁⲛⲥⲟⲟⲛⲉ</ab>
18ⲉⲧⲃⲉ ⲟⲩ ⲇⲉ ⲁⲕⲛⲧ ⲉⲃⲟⲗϩⲛ ⲑⲏ ⲙⲡⲉⲓⲙⲟⲩ ⲛⲉ ⲙⲛ ⲃⲁⲗ ⲇⲉ ⲛⲁⲩ ⲉⲣⲟⲓ ⲡⲉ</ab>
19ⲁⲩⲱ ⲛⲉⲓⲛⲁⲣ ⲑⲉ ⲙⲡⲉⲧⲉ ⲛϥϣⲟⲟⲡ ⲁⲛ ⲉⲧⲃⲉ ⲟⲩ ⲅⲁⲣ ⲛⲧⲉⲣⲉⲓⲉⲓ ⲉⲃⲟⲗϩⲛ ⲑⲏ ⲙⲡⲉⲓⲙⲟⲩ</ab>
20ⲙⲏ ⲟⲩⲕⲟⲩⲓ ⲁⲛ ⲡⲉ ⲡⲉⲟⲩⲉⲓϣ ⲙⲡⲁⲁϩⲉ ⲕⲁⲁⲧ ⲧⲁⲙⲧⲟⲛ ⲙⲙⲟⲓ ⲛⲟⲩⲕⲟⲩⲓ.</ab>
21ⲙⲡⲁϯⲃⲱⲕ ⲉⲡⲙⲁ ⲛⲧⲁⲧⲙⲥⲟⲧⲧ ⲉⲩⲕⲁϩ ⲛⲕⲁⲕⲉ ϩⲓ ϭⲟⲥⲙ ⲟⲩⲕⲁϩ ⲛⲕⲁⲕⲉ ϣⲁ ⲉⲛⲉϩ ⲡⲙⲁ ⲉⲧⲉ ⲙⲛ ⲟⲩⲟⲉⲓⲛ ⲛϩⲏⲧϥ ⲟⲩⲇⲉ ⲛⲁⲩ ⲉϭⲓⲛⲱⲣ ϩⲛ ⲣⲱⲙⲉ</ab>
22<gap reason=""/>