1ⲉⲕϣⲁⲛⲟⲩⲱⲛ ⲛⲧⲡⲉ ⲡⲉⲥⲧⲱⲧ ⲛⲁϫⲓ ⲛⲛⲧⲟⲟⲩ ⲉⲃⲟⲗ ⲙⲙⲟⲕ ⲁⲩⲱ ⲥⲉⲛⲁⲃⲱⲗ ⲉⲃⲟⲗ ⲛⲑⲉ ⲉϣⲁⲣⲉⲟⲩⲙⲟⲩⲗϩ ⲃⲱⲗ ⲉⲃⲟⲗ ⲛⲛⲁϩⲣⲛ ⲟⲩⲕⲱϩⲧ ⲁⲩⲱ ⲡⲕⲱϩⲧ ⲛⲁⲣⲱⲕϩ ⲛⲛϫⲁϫⲉ ⲁⲩⲱ ⲡⲣⲁⲛ ⲙⲡϫⲟⲉⲓⲥ ⲛⲁⲟⲩⲱⲛϩ ⲉⲃⲟⲗ ϩⲛ ⲛϫⲁϫⲉ ⲛϩⲉⲑⲛⲟⲥ ⲛⲁϣⲧⲟⲣⲧⲣ ϩⲏⲧⲕ</ab>
2ϩⲟⲧⲁⲛ ⲉⲕϣⲁⲛⲉⲓⲣⲉ ⲛⲛⲉⲧϩⲁ ⲉⲟⲟⲩ ⲡⲉⲥⲧⲱⲧ ⲛⲁϫⲓ ⲛⲧⲟⲟⲩ ⲉⲃⲟⲗ ⲙⲙⲟⲕ</ab>
3ϫⲓⲛ ⲉⲛⲉϩ ⲙⲡⲉⲛⲥⲱⲧⲙ ⲟⲩⲇⲉ ⲙⲡⲉⲛⲉⲛⲃⲁⲗ ⲛⲁⲩ ⲉⲕⲉⲛⲟⲩⲧⲉ ⲛⲃⲗⲗⲁⲕ ⲁⲩⲱ ⲛⲉⲕϩⲃⲏⲩⲉ ⲉⲧⲕⲛⲁⲁⲁⲩ ⲛⲛⲉⲧϩⲩⲡⲟⲙⲉⲓⲛⲉ ⲉⲣⲟⲕ</ab>
4ⲡⲛⲁ ⲅⲁⲣ ⲛⲁⲧⲱⲙⲛⲧ ⲉⲛⲉⲧⲉⲓⲣⲉ ⲛⲧⲙⲛⲧⲙⲉ ⲁⲩⲱ ⲥⲉⲛⲁⲣⲡⲙⲉⲉⲩⲉ ⲛⲛⲉⲕϩⲓⲟⲟⲩⲉ ⲉⲓⲥ ϩⲏⲏⲧⲉ ⲛⲧⲟⲕ ⲁⲕⲛⲟⲩϭⲥ ⲉⲣⲟⲛ ⲡϫⲟⲉⲓⲥ ⲁⲩⲱ ⲁⲛⲣⲛⲟⲃⲉ ⲉⲧⲃⲉ ⲡⲁⲓ ⲁⲛⲡⲗⲁⲛⲁ</ab>
5ⲁⲩⲱ ⲁⲛϣⲱⲡⲉ ⲛⲑⲉ ⲛϩⲉⲛⲁⲕⲁⲑⲁⲣⲧⲟⲥ ⲧⲏⲣⲛ ⲉⲣⲉⲧⲉⲛⲇⲓⲕⲁⲓⲟⲥⲩⲛⲏ ⲧⲏⲣⲥ ⲛⲑⲉ ⲛⲟⲩⲧⲟⲉⲓⲥ ⲛϣⲣⲱ ⲁⲩⲱ ⲁⲛⲥⲣⲟϥⲣⲉϥ ⲛⲑⲉ ⲛⲛⲓϭⲱⲃⲉ ⲉⲧⲃⲉ ⲛⲉⲛⲁⲛⲟⲙⲓⲁ ⲧⲁⲓ ⲧⲉ ⲑⲉ ⲉⲧⲉⲣⲉⲡⲧⲏⲩ ⲛⲁϥⲓⲧⲛ</ab>
6ⲁⲩⲱ ⲙⲛⲡⲉⲧⲉⲡⲓⲕⲁⲗⲉⲓ ⲙⲡⲉⲕⲣⲁⲛ ⲁⲩⲱ ⲡⲉⲧⲣⲡⲙⲉⲉⲩⲉ ⲛϣⲟⲡⲕ ⲉⲣⲟϥ ϫⲉ ⲁⲕⲕⲧⲟ ⲙⲡⲉⲕϩⲟ ⲉⲃⲟⲗ ⲙⲙⲟⲛ ⲁⲩⲱ ⲁⲕⲡⲁⲣⲁⲇⲓⲇⲟⲩ ⲙⲙⲟⲛ ⲉⲧⲃⲉ ⲛⲉⲛⲛⲟⲃⲉ</ab>
7ⲧⲉⲛⲟⲩ ϭⲉ ⲡϫⲟⲉⲓⲥ ⲛⲧⲟⲕ ⲡⲉ ⲡⲉⲛⲉⲓⲱⲧ ⲁⲛⲟⲛ ⲇⲉ ⲁⲛⲟⲛ ⲡⲟⲙⲉ ⲛⲛⲉϩⲃⲏⲩⲉ ⲛⲛⲉⲕϭⲓϫ ⲧⲏⲣⲛ</ab>
8ⲙⲡⲣⲛⲟⲩϭⲥ ⲉⲣⲟⲛ ⲉⲙⲁⲧⲉ ⲁⲩⲱ ⲙⲡⲣⲣⲡⲙⲉⲉⲩⲉ ⲛⲛⲉⲛⲛⲟⲃⲉ ϩⲙ ⲡⲟⲩⲟⲉⲓϣ ⲁⲗⲗⲁ ⲕⲧⲟⲕ ⲡϫⲟⲉⲓⲥ ϫⲉ ⲁⲛⲟⲛ ⲧⲏⲣⲛ ⲁⲛⲟⲛ ⲡⲉⲕⲗⲁⲟⲥ</ab>
9ⲁⲥⲓⲱⲛ ⲧⲡⲟⲗⲓⲥ ⲙⲡⲉⲕⲙⲁ ⲉⲧⲟⲩⲁⲁⲃ ⲣϫⲁⲓⲉ ⲁⲩⲱ ⲁⲑⲓⲉⲣⲟⲩⲥⲁⲗⲏⲙ ⲣⲑⲉ ⲛⲛⲉⲧϣⲏϥ</ab>
10ⲁⲡⲉⲛⲏⲓ ⲉⲧⲟⲩⲁⲁⲃ ϣⲱⲡⲉ ⲉⲡⲥⲁϩⲟⲩ ⲁⲩⲱ ⲡⲉⲟⲟⲩ ⲛⲧⲁⲛⲉⲛⲉⲓⲟⲧⲉ ⲥⲙⲟⲩ ⲉⲣⲟϥ ⲁϥϣⲱⲡⲉ ⲉϥⲣⲟⲕϩ ⲁⲩⲱ ⲁⲛⲙⲁ ⲧⲏⲣⲟⲩ ⲉⲧⲧⲁⲉⲓⲏⲩ ϩⲉ</ab>
11ⲉϫⲛ ⲛⲁⲓ ⲧⲏⲣⲟⲩ ⲁⲕⲁⲛⲉⲭⲉ ⲡϫⲟⲉⲓⲥ ⲁⲩⲱ ⲁⲕⲕⲁⲣⲱⲕ ⲁⲩⲱ ⲁⲕⲑⲃⲃⲓⲟⲛ ⲉⲙⲁⲧⲉ</ab>
12<gap reason=""/>