1ⲡϣⲁϫⲉ ⲛⲧⲩⲣⲟⲥ ⲱϣ ⲉⲃⲟⲗ ⲛⲉϫⲏⲩ ⲛⲕⲁⲣⲭⲏⲇⲱⲛ ϫⲉ ⲁⲩⲧⲁⲕⲟ ⲁⲩⲱ ⲛⲥⲉⲛⲁⲥⲟⲧⲟⲩ ⲁⲛ ⲉⲉⲓ ⲁⲩⲛ ϩⲉⲛⲁⲓⲭⲙⲁⲗⲱⲧⲟⲥ ⲉⲃⲟⲗ ϩⲙ ⲡⲕⲁϩ ⲛⲛⲁⲓⲧⲓⲁⲓⲟⲥ</ab>
2ⲛⲧⲁⲛⲉⲧⲟⲩⲏϩ ϩⲛ ⲧⲉⲓⲛⲏⲥⲟⲥ ⲉⲓⲛⲉ ⲛⲛⲓⲙ ⲙⲙⲉⲧⲁⲃⲟⲗⲟⲥ ⲛⲧⲉⲫⲟⲓⲛⲓⲕⲏ ⲉⲧϫⲓⲟⲟⲣ ⲛⲑⲁⲗⲁⲥⲥⲁ</ab>
3ⲉⲩⲉⲓⲣⲉ ⲛϩⲉⲛϩⲃⲏⲩⲉ ϩⲛ ⲟⲩⲙⲟⲟⲩ ⲉϥⲟϣ ⲡⲉⲥⲡⲉⲣⲙⲁ ⲛⲙⲙⲛⲧⲁⲃⲟⲗⲟⲥ ⲛⲑⲉ ⲛⲟⲩⲱϩⲥ ⲉⲩⲱⲗ ⲙⲙⲟϥ ⲉϩⲟⲩⲛ ⲙⲙⲉⲧⲁⲃⲟⲗⲟⲥ ⲛⲛϩⲉⲑⲛⲟⲥ</ab>
4ⲡⲉϫⲉⲑⲁⲗⲁⲥⲥⲁ ϫⲉ ϫⲓϣⲓⲡⲉ ⲥⲓⲇⲱⲛ ⲡⲉϫⲉⲧϭⲟⲙ ⲛⲑⲁⲗⲁⲥⲥⲁ ϫⲉ ⲙⲡⲓϯⲛⲁⲁⲕⲉ ⲙⲡⲓⲙⲓⲥⲉ ⲟⲩⲇⲉ ⲙⲡⲓⲥⲁⲁⲛϣ ⲛϩⲣϣⲓⲣⲉ ⲟⲩⲇⲉ ⲙⲡⲓϫⲉⲥⲧⲡⲁⲣⲑⲉⲛⲟⲥ</ab>
5ϩⲟⲧⲁⲛ ⲇⲉ ⲉⲣϣⲁⲛⲕⲏⲙⲉ ⲥⲉⲧⲙⲡⲁⲓ ⲟⲩⲛⲟⲩⲙⲕⲁϩ ⲛϩⲏⲧ ⲛⲁⲧⲁϩⲟⲟⲩ ⲉⲧⲃⲉ ⲧⲩⲣⲟⲥ</ab>
6ⲃⲱⲕ ⲉⲕⲁⲣⲭⲏⲇⲱⲛ ϫⲓϣⲕⲁⲕ ⲉⲃⲟⲗ ⲛⲉⲧⲟⲩⲏϩ ϩⲛ ⲧⲉⲓⲛⲏⲥⲟⲥ</ab>
7ⲙⲡⲁⲓ ⲁⲛ ⲡⲉ ⲡⲉⲧⲛⲥⲱϣ ϫⲓⲛ ⲛϣⲟⲣⲡ ⲉⲙⲡⲁⲧⲟⲩⲡⲁⲣⲁⲇⲓⲇⲟⲩ ⲙⲙⲟϥ</ab>
8ⲛⲓⲙ ⲡⲉⲛⲧⲁϥⲙⲉⲉⲩⲉ ⲉⲛⲁⲓ ⲉϫⲛ ⲧⲩⲣⲟⲥ ⲙⲏ ⲟⲩⲕⲟⲩⲓ ⲧⲉ ⲏ ⲛⲉⲥⲉϣⲱⲧ ⲁⲛ ϭⲙϭⲟⲙ ⲛⲉⲧⲧⲁⲓⲏⲩ ⲛⲉ ⲛⲁⲣⲭⲱⲛ ⲙⲡⲕⲁϩ</ab>
9ⲡϫⲟⲉⲓⲥ ⲥⲁⲃⲁⲱⲑ ⲁϥⲙⲉⲉⲩⲉ ⲉⲃⲱⲗ ⲉⲃⲟⲗ ⲙⲡⲥⲱϣ ⲧⲏⲣϥ ⲛⲛⲉⲧϩⲁ ⲉⲟⲟⲩ ⲁⲩⲱ ⲉⲥⲱϣ ⲙⲡⲉⲩⲧⲁⲓⲟ ⲧⲏⲣϥ ϩⲓϫⲙ ⲡⲕⲁϩ</ab>
10ⲁⲣⲓϩⲱⲃ ⲉⲡⲟⲩⲕⲁϩ ⲕⲁⲓ ⲅⲁⲣ ⲛⲉϫⲏⲩ ⲛⲁⲥⲟⲧⲟⲩ ⲁⲛ ⲉⲉⲓ ⲉⲃⲟⲗ ϩⲛ ⲕⲁⲣⲭⲏⲇⲱⲛ</ab>
11ⲧⲟⲩϭⲓϫ ϭⲉ ⲛⲁϭⲙϭⲟⲙ ⲁⲛ ⲕⲁⲧⲁ ⲧⲉⲑⲁⲗⲁⲥⲥⲁ ⲧⲉⲧϯⲛⲟⲩϭⲥ ⲛⲛⲣⲣⲱⲟⲩ ⲁⲡϫⲟⲉⲓⲥ ⲥⲁⲃⲁⲱⲑ ϩⲱⲛ ⲉⲧⲃⲉ ⲭⲁⲛⲁⲁⲛ ⲉⲧⲁⲕⲟ ⲛⲧⲉⲥϭⲟⲙ</ab>
12ⲁⲩⲱ ⲥⲉⲛⲁϫⲟⲟⲥ ϫⲉ ⲛⲛⲉⲧⲛⲟⲩⲱϩ ϭⲉ ⲉⲧⲉ ⲧⲏⲩⲧⲛ ⲉϫⲓ ⲛϭⲟⲛⲥ ⲁⲩⲱ ⲉⲥⲱϣ ⲛⲧϣⲉⲉⲣⲉ ⲛⲥⲓⲱⲛ ⲁⲩⲱ ⲉⲣϣⲁⲛⲃⲱⲕ ⲟⲛ ⲉϭⲓⲧⲉⲓⲥ ⲙⲛⲙⲧⲟⲛ ⲛⲁϣⲱⲡⲉ ⲛⲏ ⲙⲙⲁⲩ</ab>
13ⲁⲩⲱ ⲉⲡⲕⲁϩ ⲛⲛⲉⲭⲁⲗⲇⲁⲓⲟⲥ ⲁⲡⲉⲓⲕⲉⲣϫⲁⲓⲉ ⲉⲃⲟⲗ ϩⲓⲧⲛ ⲛⲁⲥⲥⲩⲣⲓⲟⲥ ⲟⲩⲇⲉ ⲙⲛⲙⲧⲟⲛ ⲛⲁϣⲱⲡⲉ ⲛⲏ ⲙⲙⲁⲩ ϫⲉ ⲁⲧⲉⲥϫⲟ ϩⲉ</ab>
14ϫⲓϣⲕⲁⲕ ⲉⲃⲟⲗ ⲛⲉϫⲏⲩ ⲛⲕⲁⲣⲭⲏⲇⲱⲛ ϫⲉ ⲁⲡⲉⲧⲛϫⲓⲥⲉ ⲧⲁⲕⲟ</ab>
15ⲁⲩⲱ ⲥⲛⲁϣⲱⲡⲉ ϩⲙ ⲡⲉϩⲟⲟⲩ ⲉⲧⲙⲙⲁⲩ ⲧⲩⲣⲟⲥ ⲛⲁⲕⲱ ⲉⲃⲟⲗ ⲛϣϥⲉ ⲛⲣⲟⲙⲡⲉ ⲛⲑⲉ ⲙⲡⲉⲟⲩⲟⲉⲓϣ ⲛⲟⲩⲣⲣⲟ ⲁⲩⲱ ⲛⲑⲉ ⲙⲡⲉⲟⲩⲉⲓϣ ⲛⲟⲩⲣⲱⲙⲉ ⲁⲩⲱ ⲥⲛⲁϣⲱⲡⲉ ⲙⲛⲛⲥⲁ ϣϥⲉ ⲛⲣⲟⲙⲡⲉ ⲧⲩⲣⲟⲥ ⲛⲁⲣⲑⲉ ⲛⲟⲩϫⲱ ⲙⲡⲟⲣⲛⲏ</ab>
16ϫⲓ ⲛⲉ ⲛⲟⲩϭⲓⲑⲁⲣⲁ ϥⲓϩⲣⲉ ⲉⲃⲟⲗ ⲧⲡⲟⲗⲓⲥ ⲧⲡⲟⲣⲛⲏ ⲉⲛⲧⲁⲩⲣⲡⲉⲥⲱⲃϣ ϭⲓⲑⲁⲣⲓⲍⲉ ⲕⲁⲗⲱⲥ ϫⲱ ⲉⲙⲁⲧⲉ ϫⲉ ⲉⲩⲉⲣⲡⲟⲩⲙⲉⲉⲩⲉ</ab>
17ⲁⲩⲱ ⲥⲛⲁϣⲱⲡⲉ ⲙⲛⲛⲥⲁ ϣϥⲉ ⲛⲣⲟⲙⲡⲉ ⲡⲛⲟⲩⲧⲉ ⲛⲁⲣⲟⲩϭⲙⲡϣⲓⲛⲉ ⲛⲧⲩⲣⲟⲥ ⲁⲩⲱ ϥⲛⲁⲧⲁϩⲟⲥ ⲉⲣⲁⲧⲥ ⲉⲧⲉⲥϩⲟⲩⲉⲓⲧⲉ ⲁⲩⲱ ⲥⲛⲁϣⲱⲡⲉ ⲛⲟⲩⲙⲁ ⲛⲉϣⲱⲧ ⲛⲙⲙⲛⲧⲉⲣⲣⲱⲟⲩ ⲧⲏⲣⲟⲩ ⲛⲧⲟⲓⲕⲟⲩⲙⲉⲛⲏ</ab>
18ⲁⲩⲱ ⲧⲉⲥⲙⲛⲧⲉϣⲱⲧ ⲙⲛ ⲡⲉⲥⲃⲉⲕⲉ ⲛⲁϣⲱⲡⲉ ⲉϥⲟⲩⲁⲁⲃ ⲙⲡϫⲟⲉⲓⲥ ⲛⲉⲩⲛⲁⲥⲟⲟⲩϩⲥ ⲛⲁⲩ ⲉϩⲟⲩⲛ ⲁⲛ ⲁⲗⲗⲁ ⲛⲛⲉⲧⲟⲩⲏϩ ⲙⲡⲉⲙⲧⲟ ⲉⲃⲟⲗ ⲙⲡϫⲟⲉⲓⲥ ϩⲛ ⲑⲓⲉⲣⲟⲩⲥⲁⲗⲏⲙ ⲧⲉⲥⲙⲛⲧⲉϣⲱⲧ ⲧⲏⲣⲥ ⲉⲟⲩⲱⲙ ⲉⲥⲱ ⲉⲥⲓ ⲉⲥⲩⲙⲃⲟⲗⲏ ⲛⲣⲡⲙⲉⲉⲩⲉ ⲙⲡⲉⲙⲧⲟ ⲉⲃⲟⲗ ⲙⲡϫⲟⲉⲓⲥ </ab>