1ϩⲛ ⲧⲉⲣⲟⲙⲡⲉ ⲛⲧⲁⲛⲁⲑⲁⲛ ⲃⲱⲕ ⲉϩⲟⲩⲛ ⲉⲁⲍⲱⲧⲟⲥ ⲛⲧⲉⲣⲟⲩⲧⲛⲛⲟⲟⲩϥ ⲉⲃⲟⲗ ϩⲓⲧⲟⲟⲧϥ ⲛⲁⲣⲛⲁⲓ ⲡⲣⲣⲟ ⲛⲁⲥⲥⲩⲣⲓⲟⲥ ⲁⲩⲱ ⲁϥⲙⲓϣⲉ ⲙⲛ ⲧⲁⲍⲱⲧⲟⲥ ⲁϥϫⲓⲧⲥ</ab>
2ⲧⲟⲧⲉ ⲁⲡϫⲟⲉⲓⲥ ϣⲁϫⲉ ⲙⲛ ⲏⲥⲁⲓⲁⲥ ⲉϥϫⲱ ⲙⲙⲟⲥ ϫⲉ ⲃⲱⲕ ⲛⲅϥⲓ ⲉⲃⲟⲗ ⲛⲧϭⲟⲟⲩⲛⲉ ϩⲛ ⲧⲉⲕϯⲡⲉ ⲁⲩⲱ ⲛⲅⲃⲱⲗ ⲉⲃⲟⲗ ⲙⲡⲉⲕⲥⲁⲛⲇⲁⲗⲓⲟⲛ ⲉⲃⲟⲗ ϩⲛ ⲛⲉⲕⲟⲩⲉⲣⲏⲧⲉ ⲁⲩⲱ ⲛⲅⲣⲧⲉⲓϩⲉ ⲛⲅⲙⲟⲟϣⲉ ⲉⲕⲕⲏⲕ ⲁϩⲏⲩ ⲉⲙⲛⲧⲟⲟⲩⲉ ⲛⲣⲁⲧⲕ</ab>
3ⲁⲩⲱ ⲡⲉϫⲉⲡϫⲟⲉⲓⲥ ϫⲉ ⲛⲑⲉ ⲛⲧⲁⲏⲥⲁⲓⲁⲥ ⲡⲁϩⲙϩⲁⲗ ⲙⲟⲟϣⲉ ⲉϥⲕⲏⲕ ⲁϩⲏⲩ ⲉⲙⲛⲧⲟⲟⲩⲉ ⲛⲣⲁⲧϥ ⲛϣⲟⲙⲧⲉ ⲛⲣⲟⲙⲡⲉ ⲟⲩⲛϩⲉⲛⲙⲁⲉⲓⲛ ⲛⲁϣⲱⲡⲉ ⲙⲛ ϩⲉⲛϣⲡⲏⲣⲉ ϩⲛ ⲛⲣⲙⲛⲕⲏⲙⲉ ⲙⲛ ⲛⲉϭⲟⲟϣ ⲁⲩⲱ ⲥⲉⲛⲁⲉⲓⲙⲉ</ab>
4ϫⲉ ⲧⲁⲓ ⲧⲉ ⲑⲉ ⲉⲧⲉⲣⲉⲡⲣⲣⲟ ⲛⲛⲁⲥⲥⲩⲣⲓⲟⲥ ⲛⲁⲉⲓⲛⲉ ⲛⲧⲉⲭⲙⲁⲗⲱⲥⲓⲁ ⲛⲕⲏⲙⲉ ⲙⲛ ⲛⲉϭⲟⲟϣ ϩⲉⲛϩⲗⲗⲟ ⲙⲛ ϩⲉⲛϣⲏⲣⲉ ϣⲏⲙ ⲉⲩⲕⲏⲕ ⲁϩⲏⲩ ⲉⲙⲛⲗⲁⲁⲩ ⲛⲣⲁⲧⲟⲩ ⲉⲩϭⲱⲗⲡ ⲉⲃⲟⲗ ⲙⲡϣⲓⲡⲉ ⲛⲕⲏⲙⲉ</ab>
5ⲁⲩⲱ ⲛⲣⲙⲛⲕⲏⲙⲉ ⲛⲁϫⲓϣⲓⲡⲉ ⲉϫⲛ ⲛⲉϭⲟⲟϣ ⲉⲩⲕⲱ ⲛϩⲧⲏⲩ ⲉⲣⲟⲟⲩ ⲛⲁⲓ ⲉⲛⲉⲩⲛⲁϩⲧⲉ ⲉⲣⲟⲟⲩ ⲛϭⲓ ⲛⲣⲙⲛⲕⲏⲙⲉ ⲛⲁⲓ ⲉⲛⲉⲩϣⲟⲟⲡ ⲛⲁⲩ ⲛⲉⲟⲟⲩ</ab>
6ⲁⲩⲱ ⲥⲉⲛⲁϫⲟⲟⲥ ⲛϭⲓ ⲛⲉⲧⲟⲩⲏϩ ϩⲛ ⲧⲉⲓⲙⲟⲩ ϫⲉ ⲉⲓⲥ ϩⲏⲏⲧⲉ ⲁⲛⲟⲛ ⲛⲉⲛⲕⲱ ⲛϩⲧⲏⲛ ⲡⲉ ⲉⲡⲱⲧ ⲉⲣⲟⲟⲩ ⲉⲩⲛⲁϣⲧⲉ ⲛⲁⲛ ⲁⲩⲱ ⲙⲡⲟⲩⲉϣϭⲙϭⲟⲙ ⲉⲛⲟⲩϩⲙ ⲉⲃⲟⲗ ϩⲓⲧⲟⲟⲧϥ ⲙⲡⲣⲣⲟ ⲛⲛⲁⲥⲥⲩⲣⲓⲟⲥ ⲁⲩⲱ ⲛⲁϣ ⲛϩⲉ ⲁⲛⲟⲛ ⲧⲛⲛⲁⲟⲩϫⲁⲓ</ab>