1ⲡϣⲁϫⲉ ⲉⲧϣⲟⲟⲡ ⲉⲧⲃⲉ ⲧⲙⲱⲁⲃⲓⲧⲏⲥ ⲧⲙⲱⲁⲃⲓⲧⲏⲥ ⲛⲁⲧⲁⲕⲟ ϩⲛ ⲧⲉⲩϣⲏ ⲉⲣⲉⲡⲥⲟⲃⲧ ⲅⲁⲣ ⲛⲧⲙⲱⲁⲃⲓⲧⲏⲥ ⲛⲁⲧⲁⲕⲟ ϩⲛ ⲧⲉⲩϣⲏ</ab>
2ⲗⲩⲡⲏ ⲉϩⲣⲁⲓ ⲉϫⲱⲧⲛ ⲡⲭⲉⲇⲏⲃⲱⲛ ⲅⲁⲣ ⲛⲁⲧⲁⲕⲟ ⲡⲙⲁ ⲉⲧⲉⲣⲉⲧⲉⲧⲛϣⲏⲩⲉ ⲛϩⲏⲧϥ ⲉⲧⲉⲧⲛⲁⲃⲱⲕ ⲉⲙⲁⲩ ⲉⲣⲓⲙⲉ ⲉϫⲛ ⲛⲁⲃⲁⲩ ⲛⲧⲉ ⲧⲙⲱⲁⲃⲓⲧⲏⲥ ϫⲓϣⲕⲁⲕ ⲉⲃⲟⲗ ⲟⲩⲛⲟⲩϩⲱⲱⲕⲉ ⲅⲁⲣ ⲛⲁϣⲱⲡⲉ ⲉϫⲛ ⲁⲡⲉ ⲛⲓⲙ ⲁⲩⲱ ϭⲃⲟⲓ ⲛⲓⲙ ⲡⲉϩ</ab>
3ⲙⲉⲣⲧⲏⲩⲧⲛ ⲛϩⲉⲛϭⲟⲟⲩⲛⲉ ϩⲛ ⲛⲉⲥⲡⲗⲁⲧⲓⲁ ⲛⲧⲉⲧⲛⲛⲉϩⲡⲉ ϩⲛ ⲛⲉⲥϫⲉⲛⲉⲡⲱⲣ ⲁⲩⲱ ⲱϣ ⲉⲃⲟⲗ ⲧⲏⲣⲧⲛ ϩⲛ ⲟⲩⲣⲓⲙⲉ ϩⲛ ⲛⲉⲥϩⲓⲣ</ab>
4ϫⲉ ⲁⲉⲥⲉⲃⲱⲛ ⲱϣ ⲉⲃⲟⲗ ⲁⲩⲱ ⲁⲥϣⲁϫⲉ ϣⲁⲛⲧⲟⲩⲥⲱⲧⲙ ⲉⲡⲉⲥϩⲣⲟⲟⲩ ⲉⲧⲃⲉ ⲡⲁⲓ ⲧϯⲡⲉ ⲛⲧⲙⲱⲁⲃⲓⲧⲏⲥ ⲱϣ ⲉⲃⲟⲗ ⲧⲉⲥⲯⲩⲭⲏ ⲛⲁⲉⲓⲙⲉ</ab>
5ⲡϩⲏⲧ ⲛⲧⲙⲱⲁⲃⲓⲧⲏⲥ ⲱϣ ⲉⲃⲟⲗ ⲛϩⲏⲧⲥ ϣⲁ ⲥⲉⲅⲱⲣ ⲟⲩⲃⲁϩⲥⲉ ⲅⲁⲣ ⲛϣⲙⲛⲧⲣⲟⲙⲡⲉ ⲧⲉ ϩⲣⲁⲓ ⲇⲉ ⲙⲡⲉⲓ ⲉϩⲣⲁⲓ ⲉⲣⲁⲧⲉ ⲥⲉⲛⲏⲩ ⲉϩⲣⲁⲓ ⲉⲩⲣⲓⲙⲉ ϩⲓ ⲧⲉϩⲓⲏ ⲛⲁⲣⲱⲛⲓⲉⲓⲙ ⲛⲑⲉ ⲛϣⲁⲣⲉⲟⲩⲟⲩⲱϣϥ ⲱϣ ⲉⲃⲟⲗ ⲙⲛ ⲟⲩⲕⲙⲧⲟ</ab>
6ⲡⲙⲟⲟⲩ ⲛⲧⲉ ⲛⲉⲃⲣⲓⲉⲓⲙ ⲛⲁⲣϫⲁⲓⲉ ⲁⲩⲱ ⲡⲉⲥⲭⲱⲣⲧⲟⲥ ⲛⲁⲱϫⲛ ⲙⲛ ⲭⲱⲣⲧⲟⲥ ⲅⲁⲣ ϫⲓⲛ ⲧⲉⲛⲟⲩ ⲛⲁϣⲱⲡⲉ ⲉϥⲟⲩⲉⲧⲟⲩⲱⲧ</ab>
7ⲙⲏ ⲥⲛⲁⲟⲩϫⲁⲓ ⲣⲱ ⲛⲧⲉⲓⲕⲉϩⲉ ϯⲛⲁⲛ ⲛⲁⲣⲁⲃⲟⲥ ⲉϩⲣⲁⲓ ⲉϫⲙ ⲡⲓⲁ ⲛⲥⲉϫⲓⲧϥ</ab>
8ⲁⲡⲁϣⲕⲁⲕ ⲅⲁⲣ ⲧⲉϭⲡⲧⲟϣ ⲛⲧⲙⲱⲁⲃⲓⲧⲏⲥ ⲉⲧⲁⲅⲁⲗⲗⲉⲓⲙ ⲁⲩⲱ ⲡⲉⲥⲁϣⲕⲁⲕ ϣⲁ ⲧϣⲱⲧⲉ ⲛⲉⲗⲓⲉⲓⲙ</ab>
9ⲙⲙⲟⲟⲩ ⲇⲉ ⲛϩⲣⲉⲙⲙⲱⲛ ⲛⲁⲙⲟⲩϩ ⲛⲥⲛⲟϥ ϯⲛⲁⲉⲛ ⲛⲁⲣⲁⲃⲟⲥ ⲅⲁⲣ ⲉϩⲣⲁⲓ ⲉϫⲛ ϩⲣⲉⲙⲙⲱⲛ ⲁⲩⲱ ϯⲛⲁϥⲓ ⲙⲡⲉⲥⲡⲉⲣⲙⲁ ⲙⲙⲱⲁⲃ ⲙⲛ ⲁⲣⲓⲏⲗ ⲡⲥⲉⲉⲡⲉ ⲛⲁⲇⲁⲙⲁ</ab>