1ⲟⲩⲛⲟⲩⲡⲟⲛⲏⲣⲓⲁ ⲉⲁⲓⲛⲁⲩ ⲉⲣⲟⲥ ϩⲁⲣⲱϥ ⲙⲡⲣⲏ ⲁⲩⲱ ⲛⲁϣⲱⲥ ϩⲁⲣⲟϥ ⲛⲧⲡⲉ</ab>
2ⲉⲧⲉⲧⲁⲓ ⲇⲉ ⲟⲩⲣⲱⲙⲉ ⲉⲣⲉⲡⲛⲟⲩⲧⲉ ⲛⲁϯ ⲛⲁϥ ⲛⲟⲩⲙⲛⲧⲣⲙⲙⲁⲟ ⲙⲛ ϩⲉⲛϩⲩⲡⲁⲣⲭⲱⲛⲧⲁ ⲙⲛ ⲟⲩⲉⲟⲟⲩ ⲉⲛⲉϥϣⲁⲁⲧ ⲁⲛ ⲛⲗⲁⲁⲩ ϩⲛ ⲧⲉϥⲯⲩⲭⲏ ϩⲛ ⲛⲉⲧⲉϥⲛⲁⲉⲡⲉⲓⲑⲩⲙⲉⲓ ⲉⲣⲟⲟⲩ ⲧⲏⲣⲟⲩ ⲁⲩⲱ ⲛⲧⲉⲧⲙⲡⲛⲟⲩⲧⲉ ϯ ⲉⲝⲟⲩⲥⲓⲁ ⲛⲁϥ ⲉⲧⲣⲉϥⲟⲩⲱⲙ ⲉⲃⲟⲗ ⲛϩⲏⲧⲥ ϫⲉ ⲟⲩϣⲙⲙⲟ ⲛⲣⲱⲙⲉ ⲡⲉⲧⲛⲁⲟⲩⲟⲙⲥ ⲡⲁⲓ ⲟⲩⲡⲉⲧϣⲟⲩⲉⲓⲧ ⲡⲉ ⲁⲩⲱ ⲟⲩϣⲱⲛⲉ ⲡⲉ ⲙⲡⲟⲛⲏⲣⲟⲛ</ab>
3ⲉⲣϣⲁⲛⲡⲣⲱⲙⲉ ϫⲡⲉϣⲏ ⲛϣⲏⲣⲉ ⲁⲩⲱ ⲛϥⲱⲛϩ ⲛⲟⲩⲁϣⲏ ⲛⲣⲟⲙⲡⲉ ⲛⲧⲉ ⲛⲉϩⲟⲟⲩ ⲛⲛⲉϥⲣⲙⲡⲟⲟⲩⲉ ⲁϣⲁⲓ ⲁⲩⲱ ⲧⲉϥⲯⲩⲭⲏ ⲛⲥⲛⲁⲥⲉⲓ ⲁⲛ ⲉⲃⲟⲗ ϩⲙ ⲡⲟⲩⲛⲟϥ ⲁⲩⲱ ⲟⲛ ⲙⲡⲉⲕⲁⲓⲥⲉ ϣⲱⲡⲉ ⲛⲁϥ ⲁⲓϫⲟⲟⲥ ϫⲉ ⲛⲁⲛⲟⲩ ⲛϩⲟⲩϩⲉ ⲉⲣⲟϥ</ab>
4ϫⲉ ⲛⲧⲁϥⲉⲓ ϩⲛ ⲟⲩⲡⲉⲧϣⲟⲩⲉⲓⲧ ⲉϥⲛⲁⲃⲱⲕ ⲟⲛ ϩⲛ ⲟⲩⲕⲁⲕⲉ ⲁⲩⲱ ⲉⲣⲉⲡⲉϥⲣⲁⲛ ⲛⲁϩⲱⲃⲥ ϩⲙ ⲡⲕⲁϩ</ab>
5ⲁⲩⲱ ⲙⲡⲉϥⲛⲁⲩ ⲉⲡⲣⲏ ⲙⲡⲉϥⲉⲓⲙⲉ ⲟⲛ ⲉⲙⲟⲧⲛⲉⲥ ⲡⲁⲓ ϭⲉ ⲥⲟⲧⲡ ⲉⲡⲁⲓ</ab>
6ⲕⲁⲛ ⲉϣⲱⲡⲉ ⲁⲩⲱⲛϩ ⲛϣⲟ ⲛⲣⲟⲙⲡⲉ ϩⲛ ⲛⲉϩⲓⲟⲟⲩⲉ ⲁⲩⲱ ⲙⲡⲉϥⲛⲁⲩ ⲉⲟⲩⲛⲟϥ ⲙⲏ ⲉⲣⲉⲛⲕⲁ ϭⲉ ⲛⲓⲙ ⲛⲁⲃⲱⲕ ⲉϩⲣⲁⲓ ⲉⲩⲙⲁ ⲛⲟⲩⲱⲧ</ab>
7ⲡϩⲓⲥⲉ ⲧⲏⲣϥ ⲙⲡⲣⲱⲙⲉ ⲉϥⲃⲏⲕ ⲉϩⲟⲩⲛ ⲉⲧⲉϥⲧⲁⲡⲣⲟ ⲁⲩⲱ ⲧⲉϥⲯⲩⲭⲏ ⲛⲁⲙⲟⲩϩ ⲁⲛ</ab>
8ϫⲉ ⲟⲩⲛⲟⲩϩⲟⲩⲟ ϣⲟⲟⲡ ⲙⲡⲥⲟⲫⲟⲥ ⲉϩⲟⲩⲉ ⲡⲁⲧϩⲏⲧ ϫⲉ ⲡϩⲏⲕⲉ ⲥⲟⲟⲩⲛ ⲉⲧⲣⲉϥⲙⲟⲟϣⲉ ⲙⲡⲙⲧⲟ ⲉⲃⲟⲗ ⲙⲡⲱⲛϩ</ab>
9ⲟⲩⲁⲅⲁⲑⲟⲥ ⲡⲉ ⲡⲛⲁⲩ ⲛⲛⲃⲁⲗ ⲉϩⲟⲩⲉ ⲡⲉⲧⲙⲟⲟϣⲉ ⲙⲛ ⲧⲉϥⲯⲩⲭⲏ ⲁⲩⲱ ⲡⲁⲓ ⲟⲩⲡⲉⲧϣⲟⲩⲉⲓⲧ ⲡⲉ ⲁⲩⲱ ⲟⲩⲟⲩⲱϣ ⲡⲉ ⲙⲡⲛⲉⲩⲙⲁ</ab>
10ⲡⲉⲛⲧⲁϥϣⲱⲡⲉ ⲏⲇⲏ ⲁⲩϯ ⲣⲁⲛ ⲉⲣⲟϥ ⲁⲩⲱ ⲁⲩⲉⲓⲙⲉ ⲉⲣⲟϥ ϫⲉ ⲟⲩⲣⲱⲙⲉ ⲡⲉ ⲁⲩⲱ ⲛϥⲛⲁϫⲓ ϩⲁⲡ ⲁⲛ ⲙⲛ ⲡϫⲱⲱⲣⲉ ⲉⲣⲟϥ</ab>
11ϫⲉ ⲟⲩⲛϩⲉⲛϣⲁϫⲉ ⲉⲩⲧⲁϣⲟ ⲛϩⲉⲛⲡⲉⲧϣⲟⲩⲉⲓⲧ</ab>
12