1ⲁⲥϣⲱⲡⲉ ⲇⲉ ⲛⲧⲉⲣⲉⲡⲣⲣⲟ ϩⲙⲟⲟⲥ ϩⲙ ⲡⲉϥⲏⲓ ⲁⲡϫⲟⲉⲓⲥ ϯⲙⲧⲟⲛ ⲛⲁϥ ⲉⲡⲧⲏⲣϥ ⲉⲃⲟⲗ ϩⲛ ⲛⲉϥϫⲁϫⲉ ⲧⲏⲣⲟⲩ ⲉⲧϩⲙⲡⲉϥⲕⲱⲧⲉ</ab>
2ⲁⲩⲱ ⲡⲉϫⲁϥ ⲛϭⲓ ⲡⲣⲣⲟ ⲉϩⲟⲩⲛ ϩⲛ ⲛⲁⲑⲁⲛ ⲡⲉⲡⲣⲟⲫⲏⲧⲏⲥ ϫⲉ ⲉⲓⲥ ϩⲏⲏⲧⲉ ⲁⲛⲟⲕ ϯⲟⲩⲏϩ ϩⲛ ⲟⲩⲏⲓ ⲛⲕⲉⲇⲣⲓⲛⲟⲛ ⲧⲕⲟⲓⲃⲱⲧⲟⲥ ⲇⲉ ⲙⲡⲛⲟⲩⲧⲉ ⲟⲩⲏϩ ϩⲛ ⲧⲙⲏⲏⲧⲉ ⲛⲧⲉⲥⲕⲏⲛⲏ</ab>
3ⲡⲉϫⲉⲛⲁⲑⲁⲛ ⲉϩⲟⲩⲛ ϩⲙ ⲡⲣⲣⲟ ϫⲉ ϩⲱⲃ ⲛⲓⲙ ⲉⲧϩⲙⲡⲉⲕϩⲏⲧ ⲃⲱⲕ ⲁⲣⲓⲥⲟⲩ ϫⲉ ⲡϫⲟⲉⲓⲥ ⲛⲙⲙⲁⲕ</ab>
4ⲁⲥϣⲱⲡⲉ ⲇⲉ ϩⲛ ⲧⲉⲩϣⲏ ⲉⲧⲙⲙⲁⲩ ⲡϣⲁϫⲉ ⲙⲡϫⲟⲉⲓⲥ ⲁϥϣⲱⲡⲉ ϣⲁ ⲛⲁⲑⲁⲛ ⲉϥϫⲱ ⲙⲙⲟⲥ ⲛⲁϥ</ab>
5ϫⲉ ⲃⲱⲕ ⲛⲅϫⲟⲟⲥ ⲙⲡⲁϩⲙϩⲁⲗ ϫⲉ ⲛⲁⲓ ⲛⲉⲧⲉⲣⲉⲡϫⲟⲉⲓⲥ ϫⲱ ⲙⲙⲟⲟⲩ ϫⲉ ⲛⲧⲟⲕ ⲁⲛ ⲉⲧⲛⲁⲕⲱⲧ ⲛⲁⲓ ⲙⲡⲁⲏⲓ ⲉⲧⲣⲁⲟⲩⲱϩ ⲛϩⲏⲧϥ</ab>
6ϫⲉ ⲙⲡⲓⲟⲩⲱϩ ϩⲛ ⲏⲓ ⲛϫⲓⲛ ⲉⲡⲉϩⲟⲟⲩ ⲛⲧⲁⲓⲉⲓⲛⲉ ⲛⲛⲉϣⲏⲣⲉ ⲙⲡ ⲉⲃⲟⲗ ϩⲛ ⲕⲏⲙⲉ ϣⲁ ⲉϩⲣⲁⲓ ⲉⲡⲟⲟⲩ ⲛϩⲟⲟⲩ ⲁⲩⲱ ⲛⲉⲓⲙⲟⲟϣⲉ ϩⲛ ϩⲉⲛⲙⲁ ⲉⲩϩⲟⲃⲥ ⲁⲩⲱ ϩⲛ ⲛⲉⲥⲕⲏⲛⲏ</ab>
7ⲁⲩⲱ ϩⲛ ⲛⲉϩⲃⲏⲩⲉ ϩⲛ ⲛⲉⲙⲁ ⲧⲏⲣⲟⲩ ⲛⲧⲁⲓⲉⲓ ⲛϩⲏⲧⲟⲩ ⲙⲛ ⲡ ⲧⲏⲣϥ ⲉϣⲱⲡⲉ ϩⲛ ⲟⲩϣⲁϫⲉ ⲁⲓϣⲁϫⲉ ⲙⲛ ⲟⲩⲫⲩⲗⲏ ⲛⲟⲩⲱⲧ ⲛⲧⲉ ⲛⲉⲫⲩⲗⲏ ⲙⲡ ⲡⲙⲁ ⲏ ⲙⲡⲉⲛⲧⲁⲓϩⲱⲛ ⲉⲧⲟⲟⲧϥ ⲉⲙⲟⲟⲛⲉ ⲙⲡⲁⲗⲁⲟⲥ ⲉⲓϫⲱ ⲙⲙⲟⲥ ϫⲉ ⲉⲧⲃⲉ ⲟⲩ ⲙⲡⲉⲧⲛⲕⲱⲧ ⲛⲁⲓ ⲛⲟⲩⲏⲓ ⲛⲕⲉⲇⲣⲓⲛⲟⲛ</ab>
8ⲧⲉⲛⲟⲩ ϭⲉ ⲛⲁⲓ ⲛⲉⲧⲉⲧⲛⲛⲁϫⲟⲟⲩ ⲙⲡⲁϩⲙϩⲁⲗ ϫⲉ ⲛⲁⲓ ⲛⲉⲧⲉⲣⲉⲡϫⲟⲉⲓⲥ ⲡⲡⲁⲛⲧⲟⲕⲣⲁⲧⲱⲣ ϫⲱ ⲙⲙⲟⲟⲩ ϫⲉ ⲁⲓϫⲓⲧⲕ ⲉⲃⲟⲗ ϩⲛ ⲧϣⲁⲓⲣⲉ ⲛⲛⲉⲥⲟⲟⲩ ⲉⲧⲣⲉⲕϣⲱⲡⲉ ⲛⲁⲣⲭⲱⲛ ⲉϫⲙ ⲡⲁⲗⲁⲟⲥ ⲡ</ab>
9ⲁⲩⲱ ⲛⲉⲓⲛⲉⲙⲁⲕ ϩⲛ ⲛⲉⲙⲁ ⲧⲏⲣⲟⲩ ⲉϣⲁⲕⲃⲱⲕ ⲉⲣⲟⲟⲩ ⲁⲩⲱ ⲁⲓⲃⲱⲧⲉ ⲉⲃⲟⲗ ⲛⲛⲉⲕϫⲁϫⲉ ⲧⲏⲣⲟⲩ ϩⲁ ⲧⲉⲕϩⲏ ⲁⲩⲱ ⲁⲓⲕⲁⲁⲕ ⲉⲕⲟ ⲛⲛⲟϭ ⲛⲥⲟⲉⲓⲧ ⲕⲁⲧⲁ ⲡⲣⲁⲛ ⲛⲛⲉⲛⲟϭ ⲉⲧϩⲓϫⲙⲡⲕⲁϩ</ab>
10ⲁⲩⲱ ϯⲛⲁⲥⲙⲓⲛⲉ ⲛⲟⲩⲙⲁ ⲙⲡⲁⲗⲁⲟⲥ ⲡ ⲛⲧⲁⲧⲱϭⲉ ⲙⲙⲟϥ ⲛϥⲟⲩⲱϩ ⲙⲁⲩⲁⲁϥ ⲛϥⲧⲙϥⲓⲣⲟⲟⲩϣ ϭⲉ ⲛϫⲓⲛ ⲉⲡⲉⲓⲛⲁⲩ ⲛⲧⲉⲧⲙϣⲏⲣⲉ ⲛⲁⲇⲓⲕⲓⲁ ⲟⲩⲱϩ ⲉⲧⲟⲟⲧϥ ⲛϫⲓⲛ ⲉⲡⲉⲓⲛⲁⲩ ⲉⲑⲙⲕⲟϥ ⲕⲁⲧⲁ ⲑⲉ ⲛⲉϩⲟⲩⲉⲓⲧⲉ</ab>
11ϫⲓⲛ ⲡⲉϩⲟⲟⲩ ⲛⲧⲁⲓⲕⲁⲕⲣⲓⲧⲏⲥ ⲉϫⲙ ⲡⲁⲗⲁⲟⲥ ⲡ ⲁⲩⲱ ϯⲛⲁϯⲙⲧⲟⲛ ⲛⲁⲕ ⲉⲃⲟⲗ ϩⲓⲧⲛ ⲛⲉⲕϫⲁϫⲉ ⲧⲏⲣⲟⲩ ϩⲁ ⲧⲉⲕϩⲏ ⲁⲩⲱ ⲡϫⲟⲉⲓⲥ ⲛⲁⲧⲁⲙⲟⲕ ϫⲉ ⲉⲛⲉⲕⲛⲁⲕⲱⲧ ⲛⲁϥ ⲛⲟⲩⲏⲓ</ab>
12ⲁⲩⲱ ⲉⲣϣⲁⲛⲛⲉⲕϩⲟⲟⲩ ϫⲱⲕ ⲉⲃⲟⲗ ⲥⲉⲛⲁⲟⲩⲁϩⲕ ⲛⲁϩⲣⲉⲛ ⲛⲉⲕⲉⲓⲟⲧⲉ ⲁⲩⲱ ϯⲛⲁⲧⲟⲩⲛⲉⲥⲡⲉⲕⲥⲡⲉⲣⲙⲁ ⲙⲛⲛⲥⲱⲕ ⲡⲁⲓ ⲉⲧⲛⲁⲉⲓ ⲉⲃⲟⲗ ⲛϩⲏⲧⲕ ⲛⲧⲁⲥⲟⲃⲧⲉ ⲛⲧⲉⲕⲙⲛⲧⲣⲣⲟ ⲛⲁϥ</ab>
13ⲛⲧⲟϥ ⲡⲉⲧⲛⲁⲕⲱⲧ ⲛⲟⲩⲏⲓ ϩⲙ ⲡⲁⲣⲁⲛ ⲁⲩⲱ ϯⲛⲁⲧⲁϫⲣⲉⲡⲉϥⲑⲣⲟⲛⲟⲥ ⲛϣⲁ ⲉⲛⲉϩ</ab>
14ⲁⲛⲟⲕ ϯⲛⲁϣⲱⲡⲉ ⲛⲁϥ ⲉⲩⲉⲓⲱⲧ ⲛⲧⲟϥ ϩⲱⲱϥ ϥⲛⲁϣⲱⲡⲉ ⲛⲁⲓ ⲉⲩϣⲏⲣⲉ ⲡⲁⲓ ⲇⲉ ⲉϥϣⲁⲛϫⲓⲛϭⲟⲛⲥ ϯⲛⲁϫⲡⲓⲟϥ ⲙⲡϭⲉⲣⲱⲃ ⲛϩⲉⲛⲣⲱⲙⲉ ⲁⲩⲱ ϩⲛ ⲧⲥⲏϥⲉ ⲛϩⲉⲛϣⲏⲣⲉ ⲛⲣⲱⲙⲉ</ab>
15ⲡⲁⲛⲁ ⲇⲉ ⲛϯⲛⲁϥⲓⲧϥ ⲁⲛ ⲉⲃⲟⲗ ϩⲓϫⲱϥ ⲕⲁⲧⲁ ⲑⲉ ⲛⲧⲁⲓϥⲓⲧϥ ⲉⲃⲟⲗ ϩⲛ ⲥⲁⲟⲩⲗ ⲡⲁⲓ ⲛⲧⲁⲓⲡⲟⲟⲛⲉϥ ⲉⲃⲟⲗ ϩⲓϩⲏ ⲙⲙⲟⲓ</ab>
16ⲁⲩⲱ ⲡⲏⲓ ⲙⲡⲉⲕⲥⲡⲉⲣⲙⲁ ϥⲛⲁϣⲱⲡⲉ ⲉϥⲥⲙⲟⲛⲧ ⲁⲩⲱ ⲧⲉϥⲙⲛⲧⲣⲣⲟ ⲥⲛⲁϣⲱⲡⲉ ⲛϣⲁ ⲉⲛⲉϩ ⲙⲡⲁⲙⲧⲟ ⲉⲃⲟⲗ ⲡⲉϥⲑⲣⲟⲛⲟⲥ ϥⲛⲁϣⲱⲡⲉ ⲉϥⲧⲁϫⲣⲏⲩ ⲛϣⲁ ⲉⲛⲉϩ</ab>
17ⲕⲁⲧⲁ ⲛⲉⲓϣⲁϫⲉ ⲧⲏⲣⲟⲩ ⲁⲩⲱ ⲕⲁⲧⲁ ⲧⲉⲓϩⲟⲣⲁⲥⲓⲥ ⲧⲏⲣⲥ ⲧⲁⲓ ⲧⲉ ⲑⲉ ⲛⲧⲁϥϣⲁϫⲉ ⲛϭⲓ ⲛⲁⲑⲁⲛ ⲙⲛ ⲇⲁⲩⲉⲓⲇ</ab>
18ⲡⲣⲣⲟ ⲇⲉ ⲁϥⲃⲱⲕ ⲉϩⲟⲩⲛ ⲁϥϩⲙⲟⲟⲥ ⲙⲡⲙⲧⲟ ⲉⲃⲟⲗ ⲙⲡϫⲟⲉⲓⲥ ⲁⲩⲱ ⲡⲉϫⲁϥ ϫⲉ ⲁⲛⲅ ⲛⲓⲙ ⲁⲛⲟⲕ ⲡϫⲟⲉⲓⲥ ⲡⲁϫⲟⲉⲓⲥ ⲁⲩⲱ ⲟⲩ ⲡⲉ ⲡⲁⲏⲓ ϫⲉ ⲁⲕⲙⲉⲣⲓⲧ ϣⲁ ⲉϩⲣⲁⲓ ⲉⲛⲉⲓϣⲓ</ab>
19ⲁⲩⲱ ⲙⲡⲓⲑⲃⲃⲓⲟ ϩⲛ ⲗⲁⲁⲩ ⲙⲡⲉⲕⲙⲧⲟ ⲉⲃⲟⲗ ⲡⲁϫⲟⲉⲓⲥ ⲁⲩⲱ ⲁⲕϣⲁϫⲉ ⲉⲧⲃⲉ ⲡⲏⲓ ⲙⲡⲉⲕϩⲙϩⲁⲗ ⲉϩⲛⲛⲟϭ ⲛⲟⲩⲟⲉⲓϣ ⲡⲁⲓ ⲇⲉ ⲡⲉ ⲡⲛⲟⲙⲟⲥ ⲙⲡⲣⲱⲙⲉ ⲡϫⲟⲉⲓⲥ ⲡⲁϫⲟⲉⲓⲥ</ab>
20ⲁⲩⲱ ⲟⲩ ⲟⲛ ⲡⲉ ⲡϣⲁϫⲉ ⲉⲧⲉⲣⲉ ⲛⲁⲟⲩⲁϩⲙⲉϥ ⲛⲧⲟⲟⲧϥ ⲛⲁϩⲣⲟⲕ ⲧⲉⲛⲟⲩ ϭⲉ ⲛⲧⲟⲕ ⲕⲥⲟⲟⲩⲛ ⲙⲡⲉⲕϩⲙϩⲁⲗ ⲡϫⲟⲉⲓⲥ</ab>
21ⲉⲧⲃⲉ ⲡⲉⲕϩⲙϩⲁⲗ ⲁⲕⲉⲓⲣⲉ ⲁⲩⲱ ⲉⲧⲃⲉ ⲡⲧⲱϣ ⲙⲡⲉⲕϩⲏⲧ ⲁⲕⲉⲓⲣⲉ ⲛⲧⲉⲓⲙⲛⲧⲛⲟϭ ⲧⲏⲣⲥ ⲉⲧⲣⲉⲕⲟⲩⲟⲛϩⲕ ⲉⲃⲟⲗ ⲙⲡⲉⲕϩⲙϩⲁⲗ</ab>
22ⲉⲧⲣⲉⲕϫⲓⲉⲟⲟⲩ ⲡϫⲟⲉⲓⲥ ⲡⲁϫⲟⲉⲓⲥ ⲛⲧⲟⲕ ⲡⲉ ⲡⲛⲟⲩⲧⲉ ⲁⲩⲱ ⲛⲉⲕϣⲁϫⲉ ⲛⲁϣⲱⲡⲉ ⲙⲙⲉ ⲁⲩⲱ ⲙⲛ ϭⲉ ⲛⲟⲩⲧⲉ ⲛⲃⲗⲗⲁⲕ ⲕⲁⲧⲁ ⲛⲉⲛⲧⲁⲛⲥⲟⲧⲙⲟⲩ ⲧⲏⲣⲟⲩ ϩⲛ ⲛⲉⲛⲙⲁⲁϫⲉ</ab>
23ⲁⲩⲱ ⲛⲓⲙ ⲡⲉ ⲡⲕⲉϩⲉⲑⲛⲟⲥ ⲛⲑⲉ ⲙⲡⲉⲕⲗⲁⲟⲥ ⲡ ϩⲙ ⲡⲕⲁϩ ⲧⲏⲣϥ ⲛⲑⲉ ⲛⲧⲁⲡⲛⲟⲩⲧⲉ ⲥⲱⲕ ϩⲁϫⲱϥ ⲉⲧⲣⲉϥⲥⲱⲧⲉ ⲛⲁϥ ⲛⲟⲩⲗⲁⲟⲥ ⲉⲧⲣⲉⲕⲕⲱ ⲛⲁⲕ ⲛⲟⲩⲣⲁⲛ ⲁⲩⲱ ⲉⲧⲣⲉⲕⲉⲓⲣⲉ ⲛⲁⲕ ⲛⲟⲩⲙⲛⲧⲛⲟϭ ⲙⲛ ⲟⲩⲉⲟⲟⲩ ⲉⲧⲣⲉⲕⲛⲟⲩϫⲉ ⲉⲃⲟⲗ ϩⲓⲑⲏ ⲙⲡⲉⲕⲗⲁⲟⲥ ⲡⲁⲓ ⲛⲧⲁⲕⲥⲟⲧⲡϥ ⲛⲁⲕ ⲉⲃⲟⲗ ϩⲛ ⲕⲏⲙⲉ ⲛϩⲉⲛϩⲉⲑⲛⲟⲥ ⲙⲛ ϩⲉⲛⲙⲁ ⲛϣⲱⲡⲉ</ab>
24ⲁⲩⲱ ⲁⲕⲥⲟⲃⲧⲉ ⲛⲁⲕ ⲙⲡⲉⲕⲗⲁⲟⲥ ⲡ ⲉⲩⲗⲁⲟⲥ ⲛϣⲁ ⲉⲛⲉϩ ⲁⲩⲱ ⲛⲧⲟⲕ ⲡϫⲟⲉⲓⲥ ⲁⲕϣⲱⲡⲉ ⲛⲁⲩ ⲛⲛⲟⲩⲧⲉ</ab>
25ⲧⲉⲛⲟⲩ ϭⲉ ⲡϫⲟⲉⲓⲥ ⲡⲁⲛⲟⲩⲧⲉ ⲡϣⲁϫⲉ ⲛⲧⲁⲕϫⲟⲟϥ ⲉⲧⲃⲉ ⲡⲉⲕϩⲙϩⲁⲗ ⲁⲩⲱ ⲉⲧⲃⲉ ⲡⲉϥⲏⲓ ⲧⲁϫⲣⲟϥ ⲛϣⲁ ⲉⲛⲉϩ ⲡϫⲟⲉⲓⲥ ⲡⲡⲁⲛⲧⲟⲕⲣⲁⲧⲱⲣ ⲡⲉⲛⲛⲟⲩⲧⲉ ⲉⲧⲣⲉ ⲡⲏⲓ ⲙⲡⲉⲕϩⲙϩⲁⲗ ϣⲱⲡⲉ ⲉϥⲧⲁϫⲣⲏⲩ ⲉϫⲙ ⲡ ⲙⲡⲉⲕⲙⲧⲟ ⲉⲃⲟⲗ ϫⲉ ⲛⲧⲟⲕ ⲡϫⲟⲉⲓⲥ ⲡⲡⲁⲛⲧⲟⲕⲣⲁⲧⲱⲣ ⲛⲧⲟⲕ ⲡⲉ ⲡⲛⲟⲩⲧⲉ ⲙⲡⲓⲏⲗ ⲧⲉⲛⲟⲩ ϭⲉ ⲕⲁⲧⲁ ⲑⲉ ⲛⲧⲁⲕϣⲁϫⲉ ⲙⲡⲉⲕⲣⲁⲛ</ab>
26ⲉϥⲉϫⲓⲥⲉ ⲛϣⲁ ⲉⲛⲉϩ</ab>
27ⲡϫⲟⲉⲓⲥ ⲡⲡⲁⲛⲧⲟⲕⲣⲁⲧⲱⲣ ⲡⲛⲟⲩⲧⲉ ⲡ ⲁⲩⲱ ⲡⲏⲓ ⲙⲡⲉⲕϩⲙϩⲁⲗ ⲉϥⲉϣⲱⲡⲉ ⲉϥⲁϩⲉⲣⲁⲧϥ ⲙⲡⲉⲕⲙⲧⲟ ⲉⲃⲟⲗ ϫⲉ ⲛⲧⲟⲕ ⲡⲉ ⲡϫⲟⲉⲓⲥ ⲛⲛϭⲟⲙ ⲡⲛⲟⲩⲧⲉ ⲙⲡ ⲁⲕϭⲱⲗⲡ ⲉⲃⲟⲗ ⲉⲡⲙⲁⲁϫⲉ ⲙⲡⲉⲕϩⲙϩⲁⲗ ⲉⲕϫⲱ ⲙⲙⲟⲥ ϫⲉ ϯⲛⲁⲕⲱⲧ ⲛⲁⲕ ⲛⲟⲩⲏⲓ ⲉⲧⲃⲉ ⲡⲉⲕϩⲙϩⲁⲗ ⲁϥϩⲉ ⲉⲡⲉϥϩⲏⲧ ⲉϥϣⲗⲏⲗ ⲉϩⲣⲁⲓ ⲉⲣⲟⲕ ϩⲙ ⲡⲉⲓϣⲗⲏⲗ</ab>
28ⲧⲉⲛⲟⲩ ϭⲉ ⲡϫⲟⲉⲓⲥ ⲡⲁⲛⲟⲩⲧⲉ ⲛⲧⲟⲕ ⲡⲉ ⲡⲛⲟⲩⲧⲉ ⲁⲩⲱ ⲛⲉⲕϣⲁϫⲉ ⲛⲁϣⲱⲡⲉ ⲙⲙⲉ ⲁⲩⲱ ⲁⲕϣⲁϫⲉ ⲉⲧⲃⲉ ⲡⲉⲕϩⲙϩⲁⲗ ⲉⲉⲓⲛⲉ ⲛⲧⲉⲓⲙⲛⲧⲁⲅⲁⲑⲟⲥ ⲧⲏⲣⲥ ⲉϫⲱϥ</ab>
29ⲧⲉⲛⲟⲩ ϭⲉ ϩⲓⲧⲟⲟⲧⲕ ⲉⲥⲙⲟⲩ ⲉⲡⲏⲓ ⲙⲡⲉⲕϩⲙϩⲁⲗ ⲉⲧⲣⲉϥϣⲱⲡⲉ ⲛϣⲁ ⲉⲛⲉϩ ⲙⲡⲉⲕⲙⲧⲟ ⲉⲃⲟⲗ ϫⲉ ⲛⲧⲟⲕ ⲡϫⲟⲉⲓⲥ ⲡⲁϫⲟⲉⲓⲥ ⲁⲕϣⲁϫⲉ ⲁⲩⲱ ⲉⲃⲟⲗ ϩⲙ ⲡⲉⲕⲥⲙⲟⲩ ⲡⲏⲓ ⲙⲡⲉⲕϩⲙϩⲁⲗ ⲛⲁϫⲓⲥⲙⲟⲩ ⲛϣⲁ ⲉⲛⲉϩ</ab>