1ⲡⲣⲣⲟ ⲇⲉ ⲁϥϣⲧⲟⲣⲧⲣ ⲁⲩⲱ ⲁϥⲃⲱⲕ ⲉϩⲣⲁⲓ ⲉϫⲛ ⲧⲡⲩⲗⲏ ⲁϥⲣⲓⲙⲉ ⲁⲩⲱ ⲛⲉϥϫⲱ ⲙⲙⲟⲥ ϩⲓⲛⲁⲓ ⲉϥⲙⲟⲟϣⲉ ϫⲉ ⲡⲁϣⲏⲣⲉ ⲁⲃⲉⲥⲥⲁⲗⲱⲙ ⲛⲓⲙ ⲡⲉⲧⲛⲁϯ ⲙⲡⲁⲙⲟⲩ ϩⲁ ⲡⲱⲕ ⲁⲛⲟⲕ ⲉⲩⲉⲧⲁⲁⲧ ⲉⲡⲉⲕⲙⲁ ⲡⲁϣⲏⲣⲉ ⲁⲃⲉⲥⲥⲁⲗⲱⲙ ⲡⲁϣⲏⲣⲉ</ab>
2ⲁⲩⲧⲁⲙⲉⲓⲱⲁⲃ ⲇⲉ ⲉⲩϫⲱ ⲙⲙⲟⲥ ϫⲉ ⲉⲓⲥ ⲡⲣⲣⲟ ⲣⲓⲙⲉ ⲉⲁⲃⲉⲥⲥⲁⲗⲱⲙ ⲡⲉϥϣⲏⲣⲉ ⲁⲩⲱ ϥⲣϩⲏⲃⲉ ⲛⲁϥ</ab>
3ⲁⲩⲱ ⲧⲥⲱⲧⲏⲣⲓⲁ ⲙⲛ ⲡⲉϫⲣⲟ ⲙⲡⲉϩⲟⲟⲩ ⲉⲧⲙⲙⲁⲩ ⲁⲩϣⲱⲡⲉ ⲉⲩϩⲏⲃⲉ ⲙⲡⲗⲁⲟⲥ ⲧⲏⲣϥ ⲉⲃⲟⲗ ϫⲉ ⲡⲗⲁⲟⲥ ⲁϥⲥⲱⲧⲙ ⲙⲡⲉϩⲟⲟⲩ ⲉⲧⲙⲙⲁⲩ ⲉⲩϫⲱ ⲙⲙⲟⲥ ϫⲉ ⲡⲣⲣⲟ ⲟⲩⲟⲗⲥ ⲉϫⲙ ⲡⲉϥϣⲏⲣⲉ</ab>
4ⲁⲩⲱ ⲛⲉⲣⲉⲡⲗⲁⲟⲥ ϫⲓⲕⲱⲡ ⲕⲱⲡ ⲙⲡⲉϩⲟⲟⲩ ⲉⲧⲙⲙⲁⲩ ⲉⲩⲛⲁⲃⲱⲕ ⲉϩⲟⲩⲛ ⲉⲧⲡⲟⲗⲓⲥ ⲕⲁⲧⲁ ⲑⲉ ⲛϣⲁϥϫⲓ ⲕⲱⲡ ⲕⲱⲡ ⲛϭⲓ ⲡⲗⲁⲟⲥ ⲛⲧⲁϥϫⲓ ϣⲓⲡⲉ ϩⲙ ⲡⲧⲣⲉⲩϭⲱⲧⲡ ϩⲙ ⲡⲡⲟⲗⲉⲙⲟⲥ</ab>
5ⲡⲣⲣⲟ ⲇⲉ ⲁϥϩⲉⲃⲥⲡⲉϥϩⲟ ⲁⲩⲱ ⲁϥⲉⲛⲟⲩⲛⲣⲟ ⲛϭⲓ ⲡⲣⲣⲟ ϩⲛ ⲟⲩⲛⲟϭ ⲛⲁϣⲕⲁⲕ ⲉϥϫⲱ ⲙⲙⲟⲥ ϫⲉ ⲡⲁϣⲏⲣⲉ ⲁⲃⲉⲥⲥⲁⲗⲱⲙ ⲁⲃⲉⲥⲥⲁⲗⲱⲙ ⲡⲁϣⲏⲣⲉ</ab>
6ⲓⲱⲁⲃ ⲇⲉ ⲁϥⲃⲱⲕ ⲉϩⲟⲩⲛ ⲉⲡⲏⲓ ⲙⲡⲣⲣⲟ ⲉϥϫⲱ ⲙⲙⲟⲥ ⲛⲁϥ ϫⲉ ⲁⲕϯϣⲓⲡⲉ ⲙⲡⲟⲟⲩ ⲙⲡϩⲟ ⲛⲛⲉⲕϩⲙϩⲁⲗ ⲧⲏⲣⲟⲩ ⲛⲉⲧⲙⲓϣⲉ ⲉϫⲱⲕ ⲙⲡⲟⲟⲩ ⲁⲩⲱ ⲧⲉⲯⲩⲭⲏ ⲛⲛⲉⲕϣⲏⲣⲉ ⲛ ⲛⲉⲕϣⲉⲉⲣⲉ ⲙⲛ ⲛⲉⲕⲡⲁⲗⲗⲁⲕⲏ</ab>
7ⲉⲧⲣⲉⲕⲙⲉⲣⲓⲛⲉⲧⲙⲟⲥⲧⲉ ⲙⲙⲟⲕ ⲁⲩⲱ ⲛⲅⲙⲉⲥⲧⲉ ⲛⲉⲧⲙⲉ ⲙⲙⲟⲕ ⲁⲩⲱ ⲁⲕⲟⲩⲟⲛϩⲕ ⲉⲃⲟⲗ ⲙⲡⲟⲟⲩ ϫⲉ ϩⲛⲗⲁⲁⲩ ⲛⲉ ⲛⲉⲕⲁⲣⲭⲱⲛ ⲙⲛ ⲛⲉⲕϩⲙϩⲁⲗ ⲁⲓⲉⲓⲙⲉ ⲅⲁⲣ ⲙⲡⲟⲟⲩ ϫⲉ ⲉⲛⲉⲉⲣⲉⲁⲃⲏⲥⲁⲗⲱⲙ ⲟⲛϩ ⲉϣϫⲉ ⲁⲛⲟⲛ ⲧⲏⲣⲛ ⲙⲡⲟⲟⲩ ⲧⲛⲙⲟⲟⲩⲧ ⲡⲉ ϫⲉ ⲉⲛⲉⲡⲁⲓ ⲣⲱ ⲡⲉ ⲡⲉⲧⲥⲟⲩⲧⲱⲛ ⲛⲁϩⲣⲟⲕ</ab>
8ⲧⲉⲛⲟⲩ ϭⲉ ⲧⲱⲟⲩⲛ ⲛⲅⲉⲓ ⲉⲃⲟⲗ ⲛⲅϣⲁϫⲉ ⲉⲛϩⲏⲧ ⲛⲛⲉⲕϩⲙϩⲁⲗ ϫⲉ ⲁⲓⲱⲣⲕ ϩⲙ ⲡϫⲟⲉⲓⲥ ϫⲉ ⲉϣⲱⲡⲉ ⲛⲅⲛⲏⲩ ⲁⲛ ⲉⲃⲟⲗ ⲙⲡⲟⲟⲩ ⲉⲛⲉⲟⲩⲛⲗⲁⲁⲩ ⲛⲣⲱⲙⲉ ⲛⲁϭⲱ ⲛⲙⲙⲁⲕ ⲛⲧⲉⲓⲟⲩϣⲏ ⲁⲩⲱ ⲉⲓⲙⲉ ⲛⲁⲕ ϫⲉ ⲡⲉⲓϩⲱⲃ ⲛⲁⲑⲟ ⲛⲁⲕ ⲉϩⲟⲩⲉ ⲉⲙⲡⲉⲑⲟⲟⲩ ⲧⲏⲣⲟⲩ ⲛⲧⲁⲩⲉⲓ ⲉϫⲱⲕ ⲛϫⲓⲛ ⲧⲉⲕⲙⲛⲧⲕⲟⲩⲓ ϣⲁ ⲉϩⲣⲁⲓ ⲉϯⲟⲩⲛⲟⲩ</ab>
9ⲁⲩⲱ ⲡⲣⲣⲟ ⲁϥⲧⲱⲟⲩⲛ ⲁϥϩⲙⲟⲟⲥ ϩⲓⲣⲛ ⲧⲡⲩⲗⲏ ⲁⲩϫⲓ ⲡⲟⲩⲱ ⲇⲉ ⲙⲡⲗⲁⲟⲥ ⲉⲩϫⲱ ⲙⲙⲟⲥ ϫⲉ ⲉⲓⲥ ⲡⲣⲣⲟ ϩⲙⲟⲟⲥ ϩⲓϫⲛ ⲧⲡⲩⲗⲏ ⲁⲩⲱ ⲡⲗⲁⲟⲥ ⲧⲏⲣϥ ⲁϥⲉⲓ ⲉⲃⲟⲗ ϩⲓⲑⲏ ⲙⲡⲣⲣⲟ ⲡ ⲇⲉ ⲡⲟⲩⲁ ⲡⲟⲩⲁ ⲁϥⲃⲱⲕ ⲉϩⲣⲁⲓ ⲉⲡⲉϥⲙⲁ ⲛϣⲱⲡⲉ</ab>
10ⲁⲩⲱ ⲡⲗⲁⲟⲥ ⲧⲏⲣϥ ⲛⲉⲩϣⲁϫⲉ ⲙⲛ ⲛⲉⲫⲩⲗⲏ ⲧⲏⲣⲟⲩ ⲙⲡ ⲉⲩϫⲱ ⲙⲙⲟⲥ ⲛⲛⲉⲩⲉⲣⲏⲩ ϫⲉ ⲡⲣⲣⲟ ⲇⲁⲩⲉⲓⲇ ⲛⲧⲟϥ ⲁϥⲛⲁϩⲙⲉⲛ ⲛⲧⲟⲟⲧⲟⲩ ⲛⲛⲉⲛϫⲁϫⲉ ⲧⲏⲣⲟⲩ ⲁⲩⲱ ⲡⲉⲛⲧⲁϥⲥⲟⲧⲛ ⲛⲧⲟⲟⲧⲟⲩ ⲛⲛⲁⲗⲗⲟⲫⲩⲗⲟⲥ ⲁⲩⲱ ⲧⲉⲛⲟⲩ ⲁϥⲡⲱⲧ ⲉⲃⲟⲗ ϩⲙ ⲡⲉϥⲕⲁϩ ⲁⲩⲱ ⲉⲃⲟⲗ ϩⲛ ⲧⲉϥⲙⲛⲧⲣⲣⲟ</ab>
11ⲁⲃⲉⲥⲥⲁⲗⲱⲙ ⲇⲉ ⲛⲧⲁⲩⲧⲁϩⲥϥ ⲛⲣⲣⲟ ⲉϩⲣⲁⲓ ⲉϫⲱⲛ ⲁϥⲙⲟⲩ ϩⲙ ⲡⲡⲟⲗⲉⲙⲟⲥ ⲧⲉⲛⲟⲩ ϭⲉ ⲁϩⲣⲱⲧⲛ ⲛⲧⲱⲧⲛ ⲧⲉⲧⲛϩⲙⲟⲟⲥ ⲉⲧⲉⲧⲛⲕⲱ ⲛⲣⲱⲧⲛ ⲉⲕⲧⲉⲡⲉⲛⲣⲣⲟ ⲟⲛ ⲉⲣⲟⲛ ⲡϣⲁϫⲉ ⲇⲉ ⲙⲡ ⲧⲏⲣϥ ⲁϥⲡⲱϩ ϣⲁ ⲡⲣⲣⲟ</ab>
12ⲁⲩⲱ ⲡⲣⲣⲟ ⲁϥϫⲟⲟⲩ ⲛⲥⲁⲇⲱⲕ ⲙⲛ ⲁⲃⲓⲁⲑⲁⲣ ⲛⲉⲟⲩⲏⲏⲃ ⲉϥϫⲱ ⲙⲙⲟⲥ ⲛⲁⲩ ϫⲉ ϣⲁϫⲉ ⲙⲛ ⲛⲉⲡⲣⲉⲥⲃⲩⲧⲉⲣⲟⲥ ⲛⲓⲟⲩⲇⲁ ⲉⲧⲉⲧⲛϫⲱ ⲙⲙⲟⲥ ⲛⲁⲩ ϫⲉ ⲉⲧⲃⲉ ⲟⲩ ⲛⲧⲱⲧⲛ ⲉⲧⲉⲧⲛⲛⲁⲥⲉⲕϩⲁⲉ ⲉⲧⲣⲉⲧⲉⲧⲛⲕⲧⲉⲡⲣⲣⲟ ⲉϩⲣⲁⲓ ⲉⲡⲉϥⲏⲓ</ab>
13ⲛⲧⲉⲧⲛ ⲛⲁⲥⲛⲏⲩ ⲛⲧⲉⲧⲛ ⲛⲁⲕⲉⲉⲥ ⲟⲛ ⲁⲩⲱ ⲛⲧⲉⲧⲛ ⲛⲁⲥⲁⲣⲝ ⲁϩⲣⲱⲧⲛ ϭⲉ ⲉⲧⲉⲧⲛⲛⲁⲥⲉⲕϩⲁⲉ ⲉⲧⲣⲉⲧⲉⲧⲛⲕⲧⲉⲡⲣⲣⲟ ⲉϩⲣⲁⲓ ⲉⲡⲉϥⲏⲓ ⲁⲩⲱ ⲡϣⲁϫⲉ ⲙⲡ ⲧⲏⲣϥ ⲁϥⲡⲱϩ ϣⲁ ⲡⲣⲣⲟ ⲁⲩⲱ ⲡⲣⲣⲟ ⲁϥϫⲟⲟⲩ ⲛⲥⲁ ⲥⲁⲇⲱⲕ ⲉϩⲣⲁⲓ ⲉⲡⲉϥⲏⲓ ⲁⲩⲱ ⲡϣⲁϫⲉ ⲙⲡ ⲧⲏⲣϥ ⲁϥⲡⲱϩ ϣⲁ ⲡⲣⲣⲟ</ab>
14ⲁⲩⲱ ⲁⲙⲉⲥⲥⲁⲓ ⲇⲉ ⲉⲧⲉⲧⲛⲛⲁϫⲟⲟⲥ ⲛⲁϥ ϫⲉ ⲙⲏ ⲛⲧⲟⲕ ⲡⲉ ⲛⲁⲕⲉⲉⲥ ⲁⲛ ⲛⲧⲟⲕ ⲁⲩⲱ ⲛⲁⲥⲁⲣⲝ ⲧⲉⲛⲟⲩ ϭⲉ ⲛⲁⲓ ⲉⲣⲉⲡⲛⲟⲩⲧⲉ ⲁⲁⲩ ⲛⲁⲓ ⲁⲩⲱ ⲛⲉⲓⲕⲟⲟⲩⲉ ⲉϥⲉⲟⲩⲁϩⲟⲩ ⲉⲣⲟⲓ ϫⲉ ⲉϣⲱⲡⲉ ⲛⲉⲕⲛⲁϭⲱ ⲁⲛ ⲉⲕⲟ ⲛⲁⲣⲭⲱⲛ ⲙⲡⲁⲙⲧⲟ ⲉⲃⲟⲗ ⲛⲛⲉϩⲟⲟⲩ ⲧⲏⲣⲟⲩ ⲉⲡⲙⲁ ⲛⲓⲱⲁⲃ</ab>
15ⲁⲩⲱ ⲁϥⲥⲉⲕⲡϩⲏⲧ ⲛⲛⲉⲣⲱⲙⲉ ⲧⲏⲣⲟⲩ ⲛⲓⲟⲩⲇⲁ ⲛⲑⲉ ⲛⲟⲩⲣⲱⲙⲉ ⲛⲟⲩⲱⲧ ⲁⲩⲱ ⲁⲩϫⲟⲟⲩ ⲙⲡⲣⲣⲟ ⲉⲩϫⲱ ⲙⲙⲟⲥ ⲛⲁϥ ϫⲉ ⲕⲧⲟⲕ ⲉⲣⲟⲛ ⲛⲧⲟⲕ ⲙⲛ ⲛⲉⲕϩⲙϩⲁⲗ</ab>
16ⲁⲩⲱ ⲡⲣⲣⲟ ⲁϥⲕⲧⲟϥ ⲁϥⲓ ⲉϫⲙ ⲡⲓⲟⲣⲇⲁⲛⲏⲥ</ab>
17ⲁⲩⲱ ⲁϥⲡⲱⲧ ⲛϭⲓ ⲥⲉⲙⲉⲓ ⲡϣⲏⲣⲉ ⲛⲅⲏⲣⲁ ⲡϣⲏⲣⲉ ⲛⲓⲉⲙⲉⲛⲓ ⲉⲃⲟⲗ ϩⲛ ⲃⲁⲟⲩⲣⲓⲙ ⲁϥⲉⲓ ⲉϩⲣⲁⲓ ⲙⲛ ⲛⲉⲣⲱⲙⲉ ⲛⲓⲟⲩⲇⲁ ⲉⲧⲱⲙⲛⲧ ⲉⲡⲣⲣⲟ </ab>
18ⲉⲣⲉⲙⲏⲧ ⲛϣⲉ ⲛⲣⲱⲙⲉ ⲛⲙⲙⲁϥ ⲉⲃⲟⲗ ϩⲛ ⲃⲉⲛⲓⲁⲙⲓⲛ ⲁⲩⲱ ⲥⲓⲃⲁ ⲡϩⲙϩⲁⲗ ⲛⲥⲁⲟⲩⲗ ⲉⲣⲉⲡⲉϥⲙⲛⲧⲏ ⲛϣⲏⲣⲉ ⲛⲙⲙⲁϥ ⲁⲩⲱ ⲡⲉϥϫⲟⲩⲱⲧ ⲛϩⲙϩⲁⲗ ⲛⲙⲙⲁϥ ⲁϥⲥⲃⲧⲉⲡⲓⲟⲣⲇⲁⲛⲏⲥ ϩⲓⲑⲏ ⲙⲡⲣⲣⲟ</ab>
19ⲁⲩⲱ ⲁⲩϯⲧⲟⲟⲧⲟⲩ ⲙⲛ ⲛⲉⲩⲉⲣⲏⲩ ⲉϫⲓⲟⲟⲣ ⲙⲡⲣⲣⲟ ⲁⲩⲱ ⲁϥϫⲓⲟⲟⲣ ⲛϭⲓ ⲡⲙⲏⲏϣⲉ ⲉⲧⲁϩⲟ ⲉⲣⲁⲧϥ ⲙⲡⲏⲓ ⲙⲡⲣⲣⲟ ⲁⲩⲱ ⲉⲉⲓⲣⲉ ⲙⲡⲉⲧⲥⲟⲩⲧⲱⲛ ⲙⲡⲉϥⲙⲧⲟ ⲉⲃⲟⲗ ⲥⲉⲙⲉⲓ ⲇⲉ ⲡϣⲏⲣⲉ ⲛⲅⲏⲣⲁ ⲁϥⲡⲁϩⲧϥ ϩⲓⲑⲏ ⲙⲡⲣⲣⲟ ⲉϥⲛⲁϫⲓⲟⲟⲣ ⲙⲡⲓⲟⲣⲇⲁⲛⲏⲥ</ab>
20ⲡⲉϫⲁϥ ϩⲓⲑⲏ ⲙⲡⲣⲣⲟ ϫⲉ ⲙⲡⲉⲣⲧⲣⲉⲡⲁϫⲟⲉⲓⲥ ⲡⲣⲣⲟ ⲙⲉⲉⲩⲉ ⲉⲩⲁⲛⲟⲙⲓⲁ ⲁⲩⲱ ⲙⲡⲉⲣⲕⲱ ϩⲙ ⲡⲉⲕϩⲏⲧ ⲛⲛⲉⲛⲟⲃⲉ ⲛⲧⲁⲡⲉⲕϩⲙϩⲁⲗ ⲁⲁⲩ ⲙⲡⲉϩⲟⲟⲩ ⲛⲧⲁⲡⲁϫⲟⲉⲓⲥ ⲉⲓ ⲉⲃⲟⲗ ϩⲛ ⲑ ⲉⲧⲣⲉⲡⲣⲣⲟ ⲙⲉⲉⲩⲉ ⲉⲡⲁⲓ ϩⲙ ⲡⲉϥϩⲏⲧ</ab>
21ϫⲉ ⲡⲉⲕϩⲙϩⲁⲗ ⲉⲧⲉⲁⲛⲟⲕ ⲡⲉ ⲁⲓⲉⲓⲙⲉ ϫⲉ ⲁⲛⲟⲕ ⲡⲉ ⲛⲧⲁⲓⲣⲛⲟⲃⲉ ⲁⲩⲱ ⲉⲓⲥ ϩⲏⲏⲧⲉ ⲁⲛⲟⲕ ⲙⲡⲟⲟⲩ ⲁⲓⲉⲓ ϩⲓⲑⲏ ⲙⲡⲏⲓ ⲧⲏⲣϥ ⲛⲓⲱⲥⲏⲫ ⲉⲣⲁⲧϥ ⲙⲡⲁϫⲟⲉⲓⲥ ⲡⲣⲣⲟ</ab>
22ⲁϥⲟⲩⲱϣⲃ ⲇⲉ ⲛϭⲓ ⲁⲃⲓⲥⲁ ⲡϣⲏⲣⲉ ⲛⲥⲁⲣⲟⲩⲉⲓⲁ ⲉϥϫⲱ ⲙⲙⲟⲥ ϫⲉ ⲙⲏ ⲉⲧⲃⲉ ⲡⲉⲓϩⲱⲃ ⲉⲧⲉⲛϥⲛⲁⲙⲟⲩ ⲁⲛ ⲛϭⲓ ⲥⲏⲙⲉⲉⲓ ϫⲉ ⲁϥⲥⲁϩⲟⲩ ⲙⲡⲉⲭⲣⲥ ⲙⲡϫⲟⲉⲓⲥ</ab>
23ⲇⲉ ⲡⲉϫⲁϥ ϫⲉ ⲁϩⲣⲱⲧⲛ ⲛⲙⲙⲁⲓ ⲛϣⲏⲣⲉ ⲛⲥⲁⲣⲟⲩⲉⲓⲁ ϫⲉ ⲉⲧⲉⲧⲛⲟ ⲛⲁⲓ ⲙⲡⲟⲟⲩ ⲛⲉⲡⲓⲃⲟⲩⲗⲟⲥ ϫⲉ ⲙⲡⲟⲟⲩ ⲛϩⲟⲟⲩ ⲙⲛⲣⲱⲙⲉ ⲛⲁⲙⲟⲩ ⲉⲃⲟⲗ ϩⲙ ⲡ ϫⲉ ⲛϯⲥⲟⲟⲩⲛ ⲁⲛ ϫⲉ ⲙⲡⲟⲟⲩ ϯⲛⲁⲣⲣⲣⲟ ⲉϫⲙ ⲡ</ab>
24ⲁⲩⲱ ⲡⲣⲣⲟ ⲡⲉϫⲁϥ ⲉϩⲟⲩⲛ ϩⲛ ⲥⲉⲙⲉⲓ ϫⲉ ⲛⲅⲛⲁⲙⲟⲩ ⲁⲛ ⲁⲩⲱ ⲡⲣⲣⲟ ⲁϥⲱⲣⲕ ⲛⲁϥ</ab>
25ⲙⲉⲙⲫⲓⲃⲟⲥⲑⲉ ⲇⲉ ⲡϣⲏⲣⲉ ⲛⲓⲱⲛⲁⲑⲁⲛ ⲡϣⲏⲣⲉ ⲛⲥⲁⲟⲩⲗ ⲁϥⲉⲓ ⲉⲃⲟⲗ ⲉⲧⲱⲙⲛⲧ ⲉⲡⲣⲣⲟ ⲉⲁϥϭⲱ ⲛⲟⲩⲉϣⲛⲑⲉⲣⲁⲡⲉⲩⲉ ⲛⲛⲉϥⲟⲩⲉⲣⲏⲧⲉ ⲟⲩⲇⲉ ⲙⲡⲉϥⲉⲛⲛⲉϥⲓⲉⲓⲃ ⲟⲩⲇⲉ ⲙⲡⲉϥⲕⲁⲑⲁⲣⲓⲍⲉ ⲛⲛⲉϥⲥⲡⲟⲧⲟⲩ ⲁⲩⲱ ⲛⲉϥϩⲟⲉⲓⲧⲉ ⲙⲡⲉϥϣⲟⲙⲟⲩ ⲛϫⲓⲛ ⲡⲉϩⲟⲟⲩ ⲛⲧⲁⲡⲣⲣⲟ ⲙⲟⲟϣⲉ ⲉⲃⲟⲗ ϣⲁ ⲡⲉϩⲟⲟⲩ ⲛⲧⲁϥⲉⲓ ⲛⲧⲟϥ ϩⲛ ⲟⲩⲉⲓⲣⲏⲛⲏ</ab>
26ⲁⲩⲱ ⲛⲧⲉⲣⲉϥⲉⲓ ⲉϩⲣⲁⲓ ⲉⲑ ⲉⲧⲣⲉϥⲧⲱⲙⲛⲧ ⲉⲡⲣⲣⲟ ⲡⲉϫⲉⲡⲣⲣⲟ ⲛⲁϥ ϫⲉ ⲉⲧⲃⲉ ⲟⲩ ⲙⲡⲉⲕⲣⲛⲁⲙⲟⲟϣⲉ ⲉⲃⲟⲗ ⲙⲉⲙⲫⲓⲃⲟⲥⲑⲉ</ab>
27ⲡⲉϫⲉⲙⲉⲙⲫⲓⲃⲟⲥⲑⲉ ⲛⲁϥ ϫⲉ ⲡⲁϫⲟⲉⲓⲥ ⲡⲣⲣⲟ ⲡⲉⲕϩⲙϩⲁⲗ ⲡⲉ ⲛⲧⲁϥⲣϩⲁⲗ ⲙⲙⲟⲓ ϫⲉ ⲁⲛⲟⲕ ⲡⲉⲕϩⲙϩⲁⲗ ⲁⲓϫⲟⲟⲥ ⲛⲁϥ ϫⲉ ϩⲉⲕⲡⲉⲓⲱ ⲛⲁⲓ ⲛⲧⲁⲁⲗⲉ ⲉⲣⲟϥ ⲛⲧⲁⲡⲱⲧ ϩⲱ ⲙⲛ ⲡⲣⲣⲟ ϫⲉ ⲁⲛⲟⲕ ⲡⲉⲕϩⲙϩⲁⲗ ⲁⲛⲅ ⲟⲩϭⲁⲗⲉ</ab>
28ⲁⲩⲱ ⲁϥϣⲁϫⲉ ⲛⲥⲁ ⲡⲉⲕϩⲙϩⲁⲗ ϩⲁⲧⲙ ⲡⲁϫⲟⲉⲓⲥ ⲡⲣⲣⲟ ⲁⲩⲱ ⲡⲁϫⲟⲉⲓⲥ ⲡⲣⲣⲟ ⲁϥⲉⲓⲣⲉ ⲙⲡⲉⲧⲥⲟⲩⲧⲱⲛ ⲛⲁϩⲣⲁϥ ⲛⲑⲉ ⲛⲟⲩⲁⲅⲅⲉⲗⲟⲥ ⲛⲧⲉ ⲡⲛⲟⲩⲧⲉ ⲁⲩⲱ ⲡⲁⲅⲁⲑⲟⲛ ⲉⲕⲉⲁⲁϥ ⲙⲡⲙⲧⲟ ⲉⲃⲟⲗ ⲛⲛⲉⲕⲃⲁⲗ</ab>
29ϫⲉ ⲡⲏⲓ ⲧⲏⲣϥ ⲛⲧⲁϥⲣⲡⲁⲓ ⲁⲛ ⲁⲗⲗⲁ ϩⲉⲛⲣⲱⲙⲉ ⲉⲩⲙⲡϣⲁ ⲙⲡⲙⲟⲩ ⲛⲉ ⲛⲧⲁⲩⲣⲡⲁⲓ ⲙⲡⲁϫⲟⲉⲓⲥ ⲡⲣⲣⲟ ⲁⲩⲱ ⲁⲕⲕⲱ ⲙⲡⲉⲕϩⲙϩⲁⲗ ⲙⲛ ⲛⲉⲧⲟⲩⲱⲙ ϩⲛ ⲧⲉⲕⲧⲣⲁⲡⲏⲍⲁ ⲁⲩⲱ ⲁϣ ⲡⲉ ⲡⲕⲉⲇⲓⲕⲁⲓⲱⲙⲁ ⲉⲧⲉⲟⲩⲉⲛⲧⲁⲓϥ ⲙⲙⲁⲩ ⲉⲧⲣⲁⲱϣ ⲟⲛ ⲉⲃⲟⲗ ⲉϩⲣⲁⲓ ⲉⲡⲣⲣⲟ</ab>
30ⲡⲉϫⲉⲡⲣⲣⲟ ⲛⲁϥ ϫⲉ ⲉⲧⲃⲉ ⲟⲩ ⲕⲧⲁⲩⲟ ⲛⲛⲉⲕϣⲁϫⲉ ⲉⲃⲟⲗ ϫⲉ ⲁⲓϫⲟⲟⲥ ϫⲉ ⲛⲧⲟⲕ ⲙⲛ ⲥⲓⲃⲁ ⲡⲉϣⲡⲓⲱϩⲉ ⲉϫⲱⲧⲛ</ab>
31ⲡⲉϫⲉⲙⲉⲙⲫⲓⲃⲟⲥⲑⲉ ϩⲓⲑⲏ ⲙⲡⲣⲣⲟ ϫⲉ ⲉⲛⲕⲁⲛⲓⲙ ⲙⲁⲣⲉϥϫⲓⲧⲟⲩ ⲉⲛϩⲟⲥⲟⲛ ⲁⲡⲁϫⲟⲉⲓⲥ ⲡⲣⲣⲟ ⲉⲓ ⲉϩⲣⲁⲓ ⲉⲡⲉϥⲏⲓ ϩⲛ ⲟⲩⲉⲓⲣⲏⲛⲏ</ab>
32ⲁⲩⲱ ⲃⲉⲣⲍⲉⲗⲗⲓ ⲡⲅⲁⲗⲁⲧⲓⲧⲏⲥ ⲁϥⲉⲓ ⲉϩⲣⲁⲓ ϩⲛ ϩⲣⲱⲅⲉⲗⲗⲓⲙ ⲁϥϫⲓⲟⲟⲣ ⲙⲡⲣⲣⲟ ϩⲙ ⲡⲓⲟⲣⲇⲁⲛⲏⲥ ⲉⲡⲟⲟⲛⲉϥ ⲉⲃⲟⲗ ϩⲙ ⲡⲓⲟⲣⲇⲁⲛⲏⲥ</ab>
33ⲃⲉⲣⲍⲉⲗⲗⲓ ⲇⲉ ⲟⲩⲣⲱⲙⲉ ⲡⲉ ⲉⲁϥⲣϩⲗⲗⲟ ⲉⲙⲁⲧⲉ ⲉⲩⲣⲱⲙⲉ ⲡⲉ ⲉϥϩⲛϥⲧⲟⲟⲩ ⲛϫⲟⲩⲱⲧ ⲛⲣⲟⲙⲡⲉ ⲁⲩⲱ ⲛⲧⲟϥ ⲡⲉ ⲛⲧⲁϥⲥⲁⲁⲛϣ ⲙⲡⲣⲣⲟ ϩⲙ ⲡⲧⲣⲉϥⲟⲩⲱϩ ϩⲙ ⲙⲁⲛⲁⲉⲓⲙ ⲉⲃⲟⲗ ϫⲉ ⲟⲩⲛⲟϭ ⲛⲣⲱⲙⲉ ⲉⲙⲁⲧⲉ ⲡⲉ</ab>
34ⲡⲣⲣⲟ ⲇⲉ ⲡⲉϫⲁϥ ⲛⲃⲉⲣⲍⲉⲗⲗⲓ ϫⲉ ⲛⲧⲟⲕ ⲁⲙⲟⲩ ⲛⲙⲙⲁⲓ ⲁⲩⲱ ⲧⲉⲕⲙⲛⲧϩⲗⲗⲟ ϯⲛⲁⲥⲁⲛⲟⲩϣⲥ ⲛⲙⲙⲁⲓ ϩⲛ ⲑ</ab>
35ⲡⲉϫⲉⲃⲉⲣⲍⲉⲗⲗⲓ ⲇⲉ ⲙⲡⲣⲣⲟ ϫⲉ ⲕⲉⲟⲩⲏⲣ ⲛⲉ ⲛⲁϩⲟⲟⲩ ⲛⲛⲉⲣⲟⲙⲡⲉ ⲙⲡⲁⲱⲛϩ ϫⲉ ⲉⲓⲉⲧⲱⲟⲩⲛ ⲛⲧⲁⲉⲓ ⲙⲛ ⲡⲣⲣⲟ ⲉϩⲣⲁⲓ ⲉⲑ</ab>
36ⲁⲛⲅ ⲟⲩⲣⲱⲙⲉ ⲁⲛⲟⲕ ⲉⲓϩⲛϥⲧⲟⲟⲩ ⲛϫⲟⲩⲱⲧ ⲛⲣⲟⲙⲡⲉ ⲉⲡⲟⲟⲩ ⲙⲏ ϯⲛⲁⲉϣⲉⲓⲙⲉ ⲛϫⲓⲛ ⲉⲡⲉⲓⲛⲁⲩ ⲉⲩϩⲱⲃ ⲉⲛⲁⲛⲟⲩϥ ⲁⲩⲱ ⲉⲩϩⲱⲃ ⲉϥϩⲟⲟⲩ ⲉⲛⲉⲡⲉⲕϩⲙϩⲁⲗ ⲉⲧⲉⲁⲛⲟⲕ ⲡⲉ ϯⲛⲁⲉϣⲉⲓⲙⲉ ⲉⲧϯⲡⲉ ⲙⲡⲉϯⲛⲁⲟⲩⲟⲙϥ ⲏ ⲡⲉϯⲛⲁⲥⲟⲟϥ ⲏ ϯⲛⲁϣⲥⲱⲧⲙ ⲛϫⲓⲛ ⲉⲡⲉⲓⲛⲁⲩ ⲉⲡⲉϩⲣⲟⲟⲩ ⲛⲛⲉϩⲟⲟⲩⲧ ⲉⲩϫⲱ ⲏ ⲛⲉϩⲓⲟⲙⲉ ⲉⲩϫⲱ ⲉⲧⲃⲉ ⲟⲩ ⲡⲉⲕϩⲙϩⲁⲗ ⲉⲧⲉⲁⲛⲟⲕ ⲡⲉ ⲉϥⲛⲁⲣⲑⲉ ⲛⲟⲩⲉⲧⲡⲱ ⲉϫⲙⲡⲁϫⲟⲉⲓⲥ ⲡⲣⲣⲟ</ab>
37ⲏ ⲉⲣⲉⲡϩⲱⲃ ⲁⲥⲱⲟⲩ ⲉⲧⲣⲉⲡⲉⲕϩⲙϩⲁⲗ ϫⲓⲟⲟⲣ ⲙⲡⲓⲟⲣⲇⲁⲛⲏⲥ ⲙⲛ ⲡⲁϫⲟⲉⲓⲥ ⲡⲣⲣⲟ ⲁⲩⲱ ⲉⲧⲃⲉ ⲟⲩ ⲡⲁϫⲟⲉⲓⲥ ϥⲟⲩⲱϣ ⲉⲧⲱⲱⲃⲉ ⲛⲁⲓ ⲙⲡⲉⲓⲧⲱⲱⲃⲉ</ab>
38ⲡⲉⲕϩⲙϩⲁⲗ ⲉⲧⲉⲁⲛⲟⲕ ⲡⲉ ⲙⲁⲣⲉϥϭⲱ ⲉⲡⲁϩⲟⲩ ϫⲉ ⲉⲓⲉⲙⲟⲩ ϩⲛ ⲧⲁⲡⲟⲗⲓⲥ ϩⲁϩⲧⲙ ⲡⲧⲁⲫⲟⲥ ⲙⲡⲁⲉⲓⲱⲧ ⲙⲛ ⲧⲁⲙⲁⲁⲩ ⲁⲩⲱ ⲉⲓⲥ ⲡⲉⲕϩⲙϩⲁⲗ ⲭⲁⲙⲁⲁⲙ ϥⲛⲁⲉⲓ ⲙⲛ ⲡⲁϫⲟⲉⲓⲥ ⲡⲣⲣⲟ ⲁⲩⲱ ⲉⲕⲉⲉⲓⲣⲉ ⲛⲙⲙⲁϥ ⲙⲡⲁⲅⲁⲑⲟⲛ ⲙⲡⲉⲕⲙⲧⲟ ⲉⲃⲟⲗ</ab>
39ⲡⲣⲣⲟ ⲇⲉ ⲡⲉϫⲁϥ ⲛⲁϥ ϫⲉ ⲙⲁⲣⲉϥⲉⲓ ⲛⲙⲙⲁⲓ ⲛϭⲓ ⲭⲁⲙⲁⲁⲙ ⲁⲩⲱ ⲁⲛⲟⲕ ϯⲛⲁⲉⲓⲣⲉ ⲛⲁϥ ⲙⲡⲁⲅⲁⲑⲟⲛ ⲛⲁϩⲣⲁⲕ</ab>
40ⲡⲗⲁⲟⲥ ⲇⲉ ⲧⲏⲣϥ ⲁϥϫⲓⲟⲟⲣ ⲙⲡⲓⲟⲣⲇⲁⲛⲏⲥ ⲡⲣⲣⲟ ϩⲱⲱϥ ⲁϥϫⲓⲟⲟⲣ ⲁⲡⲣⲣⲟ ϯⲡⲉⲓ ⲉⲣⲱϥ ⲛⲃⲉⲣⲍⲉⲗⲗⲓ ⲁⲩⲱ ⲁϥⲥⲙⲟⲩ ⲉⲣⲟϥ ⲁϥⲕⲧⲟϥ ⲉϩⲣⲁⲓ ⲉⲛⲉϥⲙⲁ</ab>
41ⲁⲩⲱ ⲡⲣⲣⲟ ⲁϥϫⲓⲟⲟⲣ ⲉⲅⲁⲗⲅⲁⲗⲁ ⲭⲁⲙⲁⲁⲙ ⲇⲉ ⲁϥϫⲓⲟⲟⲣ ⲛⲙⲙⲁϥ ⲁⲩⲱ ⲡⲗⲁⲟⲥ ⲧⲏⲣϥ ⲛⲓⲟⲩⲇⲁ ⲁⲩϫⲓⲟⲟⲣ ⲙⲛ ⲡⲣⲣⲟ ⲁⲩⲱ ⲧⲡⲁϣⲉ ⲙⲡⲗⲁⲟⲥ ⲙⲡ</ab>
42ⲁⲩⲱ ⲉⲓⲥ ⲛⲣⲱⲙⲉ ⲧⲏⲣⲟⲩ ⲙⲡ ⲁⲩⲉⲓ ⲉⲣⲁⲧϥ ⲙⲡⲣⲣⲟ ⲡⲉϫⲁⲩ ⲉϩⲟⲩⲛ ϩⲙ ⲡⲣⲣⲟ ϫⲉ ⲉⲧⲃⲉ ⲟⲩ ⲁⲩϥⲓⲧⲕ ⲛϭⲓ ⲛⲉⲥⲛⲏⲩ ⲛⲣⲱⲙⲉ ⲛⲓⲟⲩⲇⲁ ⲁⲩⲱ ⲁⲩϫⲓⲟⲟⲣ ⲙⲡⲣⲣⲟ ⲙⲡⲓⲟⲣⲇⲁⲛⲏⲥ ⲙⲛ ⲡⲉϥⲏⲓ ⲁⲩⲱ ⲛⲣⲱⲙⲉ ⲧⲏⲣⲟⲩ ⲛⲇⲁⲩⲉⲓⲇ ⲉⲩⲛⲙⲙⲁϥ</ab>
43ⲛⲣⲱⲙⲉ ⲇⲉ ⲧⲏⲣⲟⲩ ⲛⲓⲟⲩⲇⲁ ⲁⲩⲟⲩⲱϣⲃ ⲉⲩϫⲱ ⲙⲙⲟⲥ ⲛⲛⲣⲱⲙⲉ ⲙⲡ ϫⲉ ⲡⲣⲣⲟ ϥϫⲓ ⲉϩⲟⲩⲛ ⲉⲣⲟⲓ ⲉⲧⲃⲉ ⲟⲩ ⲁⲧⲉⲧⲛϭⲱⲛⲧ ⲉⲧⲃⲉ ⲡⲉⲓϣⲁϫⲉ ⲙⲏ ⲁⲛⲟⲩⲉⲙⲗⲁⲁⲩ ⲛⲧⲟⲟⲧϥ ⲏ ⲁϥϯⲧⲁⲓⲟ ⲛⲁⲛ ⲏ ⲁϥϥⲓⲗⲁⲁⲩ ⲉⲃⲟⲗ ϩⲓϫⲱⲛ</ab>
44ⲁⲩⲱ ⲛⲣⲱⲙⲉ ⲙⲡ ⲁⲩⲟⲩⲱϣⲃ ⲉⲩϫⲱ ⲙⲙⲟⲥ ⲛⲛⲣⲱⲙⲉ ⲛⲓⲟⲩⲇⲁ ϫⲉ ⲟⲩⲛ ⲟⲩⲧⲃⲁ ⲛⲣⲱⲙⲉ ⲛⲧⲟⲟⲧⲛ ⲙⲛ ⲡⲣⲣⲟ ⲁⲩⲱ ⲁⲛⲟⲕ ⲡⲉ ⲛϣⲣⲡⲙⲓⲥⲉ ⲙⲡⲁⲣⲁⲣⲟⲕ ⲁⲩⲱ ⲁⲛⲟⲕ ϯⲏⲡ ⲉⲇⲁⲩⲉⲓⲇ ⲉϩⲟⲩⲉ ⲉⲣⲟⲕ ⲉⲧⲃⲉ ⲟⲩ ϭⲉ ⲁⲕⲥⲟϣⲧ ϩⲙ ⲡⲁⲓ ⲉⲙⲡⲟⲩϫⲓ ⲙⲡⲁϣⲁϫⲉ ⲛϣⲟⲣⲡ ⲙⲡⲁⲣⲁ ⲡⲁⲓⲟⲩⲇⲁ ⲉⲧⲣⲉⲡⲣⲣⲟ ⲕⲧⲟϥ ⲉⲣⲟⲓ ⲁⲩⲱ ⲡϣⲁϫⲉ ⲛⲛⲣⲱⲙⲉ ⲛⲓⲟⲩⲇⲁ ⲁϥϭⲙϭⲟⲙ ⲙⲡⲁⲣⲁ ⲡϣⲁϫⲉ ⲛⲛⲣⲱⲙⲉ ⲙⲡ</ab>