1ⲁⲥϣⲱⲡⲉ ⲇⲉ ⲛⲧⲉⲣⲉⲧⲉⲣⲟⲙⲡⲉ ϫⲱⲕ ⲉⲃⲟⲗ ⲙⲡⲉⲥⲟⲩⲟⲉⲓϣ ⲙⲡⲉⲓ ⲉⲃⲟⲗ ⲛⲛⲣⲣⲱⲟⲩ ⲁϥϫⲟⲟⲩ ⲛϭⲓ ⲛⲓⲱⲁⲃ ⲁⲩⲱ ⲛⲉϥϩⲙϩⲁⲗ ⲉⲧⲛⲙⲙⲁϥ ⲙⲛ ⲡ ⲧⲏⲣϥ ⲁⲩⲧⲁⲕⲟ ⲛⲛⲉϣⲏⲣⲉ ⲛⲁⲙⲙⲱⲛ ⲁⲩⲱ ⲁⲩϭⲱ ϩⲓⲣⲛ ϩⲣⲁⲃⲃⲁⲑ ⲇⲁⲩⲉⲓⲇ ⲇⲉ ⲛⲉϥϩⲙⲟⲟⲥ ϩⲛ ⲑ</ab>
2ⲁⲥϣⲱⲡⲉ ⲇⲉ ⲙⲡⲛⲁⲩ ⲛⲣⲟⲩϩⲉ ⲁϥⲧⲱⲟⲩⲛ ⲉⲃⲟⲗ ϩⲓϫⲛ ⲡⲉϥⲙⲁ ⲛⲉⲛⲕⲟⲧⲕ ⲁϥⲙⲟⲟϣⲉ ϩⲓ ⲧϫⲉⲛⲉⲡⲱⲣ ⲙⲡⲏⲓ ⲙⲡⲣⲣⲟ ⲁⲩⲱ ⲁϥⲛⲁⲩ ϩⲓ ⲧⲉϥϫⲉⲛⲉⲡⲱⲣ ⲉⲩⲥϩⲓⲙⲉ ⲉⲥϫⲱⲕⲙ ⲧⲉⲥϩⲓⲙⲉ ⲇⲉ ⲛⲉ ⲛⲉⲥⲉ ϩⲣⲁⲥ ⲉⲙⲁⲧⲉ</ab>
3ⲁϥϫⲟⲟⲩ ⲇⲉ ⲛϭⲓ ⲡⲣⲣⲟ ⲁϥϣⲓⲛⲉ ⲛⲥⲁ ⲧⲉⲥϩⲓⲙⲉ ⲡⲉϫⲁϥ ϫⲉ ⲛⲧⲁⲓ ⲁⲛ ⲧⲉ ⲃⲏⲣⲥⲁⲃⲉⲉ ⲧϣⲉⲉⲣⲉ ⲛⲉⲗⲓⲁⲃ ⲧⲉⲥϩⲓⲙⲉ ⲛⲟⲩⲣⲓⲁⲥ ⲡⲉⲭⲉⲧⲧⲁⲓⲟⲥ</ab>
4ⲁϥϫⲟⲟⲩ ⲇⲉ ⲛϭⲓ ⲁϥϫⲓⲧⲥ ⲁϥⲃⲱⲕ ⲉϩⲟⲩⲛ ϣⲁⲣⲟⲥ ⲁϥⲉⲛⲕⲟⲧⲕ ⲛⲙⲙⲁⲥ ⲛⲧⲟⲥ ⲇⲉ ⲛⲉⲁⲥⲉⲓⲁⲁⲥ ⲉⲃⲟⲗ ϩⲙ ⲡⲉⲥϫⲱϩⲙ ⲉⲧⲥⲛϩⲏⲧϥ ⲁⲩⲱ ⲁⲥⲕⲧⲟⲥ ⲉϩⲣⲁⲓ ⲉⲡⲉⲥⲏⲓ</ab>
5ⲧⲉⲥϩⲓⲙⲉ ⲇⲉ ⲁⲥⲱ ⲁⲩⲱ ⲁⲥϫⲟⲟⲩ ⲁⲥⲧⲁⲙⲉ ⲉⲥϫⲱ ⲙⲙⲟⲥ ϫⲉ ⲁⲛⲟⲕ ⲡⲉ ⲧⲉⲓⲥϩⲓⲙⲉ ⲉⲓⲥ ϩⲏⲏⲧⲉ ϯⲉⲉⲧ</ab>
6ⲁⲩⲱ ⲁϥϫⲟⲟⲩ ⲉⲣⲁⲧϥ ⲛⲓⲱⲁⲃ ⲉϥϫⲱ ⲙⲙⲟⲥ ⲛⲁϥ ϫⲉ ⲧⲛⲛⲟⲟⲩ ⲛⲁⲓ ⲛⲟⲩⲣⲓⲁⲥ ⲡⲉⲭⲉⲧⲧⲁⲓⲟⲥ ⲓⲱⲁⲃ ⲇⲉ ⲁϥϫⲟⲟⲩ ⲛⲟⲩⲣⲓⲁⲥ ⲉⲣⲁⲧϥ ⲛⲇⲁⲩⲉⲓⲇ</ab>
7ⲁⲩⲱ ⲟⲩⲣⲓⲁⲥ ⲁϥⲃⲱⲕ ⲉϩⲟⲩⲛ ϣⲁ ⲇⲁⲩⲉⲓⲇ ⲇⲉ ⲁϥϫⲛⲟⲩϥ ⲉⲧⲃⲉ ϯⲣⲏⲛⲏ ⲛⲓⲱⲁⲃ ⲁⲩⲱ ⲉⲧⲃⲉ ϯⲣⲏⲛⲏ ⲙⲡⲗⲁⲟⲥ ⲁⲩⲱ ⲉⲧⲃⲉ ⲡⲧⲱϣ ⲙⲡⲡⲟⲗⲉⲙⲟⲥ</ab>
8ⲡⲉϫⲉⲇⲁⲩⲉⲓⲇ ⲛⲟⲩⲣⲓⲁⲥ ϫⲉ ⲃⲱⲕ ⲉϩⲣⲁⲓ ⲉⲡⲉⲕⲏⲓ ⲛⲅⲉⲓⲁⲣⲁⲧⲕ ⲉⲃⲟⲗ ⲟⲩⲣⲓⲁⲥ ⲇⲉ ⲁϥⲓ ⲉⲃⲟⲗ ϩⲙ ⲡⲏⲓ ⲙⲡⲣⲣⲟ ⲁⲩⲱ ⲁϥⲓ ⲉⲃⲟⲗ ⲛⲥⲱϥ ⲛϭⲓ ⲡⲃⲁⲓⲟⲩⲱ ⲙⲡⲣⲣⲟ</ab>
9ⲁⲟⲩⲣⲓⲁⲥ ⲛⲕⲟⲧⲕ ϩⲛ ⲑⲟⲉⲓⲧ ⲙⲡⲏⲓ ⲙⲡⲣⲣⲟ ⲙⲛ ⲛⲉϭⲁⲩⲟⲛ ⲧⲏⲣⲟⲩ ⲙⲡⲉϥϫⲟⲉⲓⲥ ⲙⲡⲉϥⲃⲱⲕ ⲉϩⲣⲁⲓ ⲉⲡⲉϥⲏⲓ</ab>
10ⲁⲩⲧⲁⲙⲉⲡⲣⲣⲟ ⲇⲉ ⲉⲩϫⲱ ⲙⲙⲟⲥ ϫⲉ ⲙⲡⲉ ⲟⲩⲣⲓⲁⲥ ⲃⲱⲕ ⲉϩⲣⲁⲓ ⲉⲡⲉϥⲏⲓ ⲁⲩⲱ ⲁϥⲙⲟⲩⲧⲉ ⲉⲟⲩⲣⲓⲁⲥ ⲉϥϫⲱ ⲙⲙⲟⲥ ⲛⲁϥ ϫⲉ ⲙⲏ ⲛⲧⲁⲕⲉⲓ ⲁⲛ ⲛⲧⲟⲕ ϩⲛ ⲧⲉϩⲓⲏ ⲉⲧⲃⲉ ⲟⲩ ϭⲉ ⲛⲧⲟⲕ ⲙⲡⲉⲕⲃⲱⲕ ⲉϩⲣⲁⲓ ⲉⲡⲉⲕⲏⲓ</ab>
11ⲡⲉϫⲉⲟⲩⲣⲓⲁⲥ ⲛⲇⲁⲩⲉⲓⲇ ϫⲉ ⲧⲕⲟⲓⲃⲱⲧⲟⲥ ⲁⲩⲱ ⲡ ⲙⲛ ⲓⲟⲩⲇⲁ ⲥⲉϣⲟⲟⲡ ϩⲛ ⲛⲉⲥⲕⲏⲛⲏ ⲁⲩⲱ ⲡⲁϫⲟⲉⲓⲥ ⲓⲱⲁⲃ ⲙⲛ ⲛⲉϩⲙϩⲁⲗ ⲙⲡⲁϫⲟⲉⲓⲥ ⲥⲉⲡⲟⲣϣ ⲉⲃⲟⲗ ϩⲓ ϩⲣⲁⲥ ⲛⲧⲥⲱϣⲉ ⲁⲛⲟⲕ ϩⲱ ⲛⲧⲁⲃⲱⲕ ⲉϩⲣⲁⲓ ⲉⲡⲁⲏⲓ ⲉⲧⲣⲁⲟⲩⲱⲙ ⲛⲧⲁⲥⲱ ⲛⲧⲁⲛⲕⲟⲧⲕ ⲙⲛ ⲧⲁⲥϩⲓⲙⲉ ⲛⲁϣ ⲛϩⲉ ϯⲛⲁⲣⲡⲁⲓ ⲥⲟⲛϩ ⲛϭⲓ ⲧⲉⲯⲩⲭⲏ ⲙⲡⲁϫⲟⲉⲓⲥ ⲉϣⲱⲡⲉ ⲉⲓⲛⲁⲣⲡⲉⲓϣⲁϫⲉ</ab>
12ⲡⲉϫⲉ ⲛⲟⲩⲣⲓⲁⲥ ϫⲉ ϩⲙⲟⲟⲥ ⲛⲁⲕ ⲙⲡⲉⲓⲙⲁ ⲙⲡⲕⲉⲡⲟⲟⲩ ⲙⲛ ⲣⲁⲥⲧⲉ ⲁⲩⲱ ϯⲛⲁϫⲟⲟⲩⲕ ⲉⲣⲁⲧϥ ⲛⲓⲱⲁⲃ ⲟⲩⲣⲓⲁⲥ ⲇⲉ ⲁϥϩⲙⲟⲟⲥ ϩⲛ ⲑ ⲙⲡⲉϩⲟⲟⲩ ⲉⲧⲙⲙⲁⲩ ⲙⲛ ⲡⲉϥⲣⲁⲥⲧⲉ</ab>
13ⲁⲩⲱ ⲁϥⲙⲟⲩⲧⲉ ⲉⲣⲟϥ ⲁϥⲟⲩⲱⲙ ⲙⲡⲉϥⲙⲧⲟ ⲉⲃⲟⲗ ⲁϥⲥⲱ ⲁϥⲧⲣⲉϥϯϩⲉ ⲁⲩⲱ ⲁϥⲉⲓ ⲉⲃⲟⲗ ⲙⲡⲛⲁⲩ ⲛⲣⲟⲩϩⲉ ⲉⲛⲕⲟⲧⲕ ϩⲓ ⲡⲉϥⲙⲁ ⲛⲛⲕⲟⲧⲕ ⲙⲛ ⲛⲉϩⲙϩⲁⲗ ⲙⲡⲉϥϫⲟⲉⲓⲥ ⲙⲡⲉϥⲃⲱⲕ ⲇⲉ ⲉϩⲣⲁⲓ ⲉⲡⲉϥⲏⲓ</ab>
14ϩⲧⲟⲟⲩⲉ ⲇⲉ ⲛⲧⲉⲣⲉϥϣⲱⲡⲉ ⲁϥϫⲟⲟⲩ ⲛⲟⲩϫⲱⲱⲙⲉ ⲛⲓⲱⲁⲃ ⲁⲩⲱ ⲁϥϫⲟⲟⲩϥ ⲛⲁϥ ⲉⲃⲟⲗ ϩⲓⲧⲟⲟⲧϥ ⲛⲟⲩⲣⲓⲁⲥ</ab>
15ⲁϥⲥϩⲁⲓ ⲇⲉ ⲉϩⲣⲁⲓ ⲉⲡϫⲱⲱⲙⲉ ⲉϥϫⲱ ⲙⲙⲟⲥ ϫⲉ ⲛⲉϫⲟⲩⲣⲓⲁⲥ ⲉϩⲟⲩⲛ ⲉⲡⲥⲁ ⲉⲧⲛⲁϣⲧ ⲙⲡⲡⲟⲗⲉⲙⲟⲥ ⲛⲧⲉⲧⲛⲉⲗⲧⲏⲩⲧⲛ ⲉⲃⲟⲗ ⲙⲙⲟϥ ⲛⲥⲉⲡⲗⲏⲅⲏ ⲙⲙⲟϥ ⲛϥⲙⲟⲩ</ab>
16ⲁⲥϣⲱⲡⲉ ⲇⲉ ⲛⲧⲉⲣⲉⲓⲱⲁⲃ ϭⲱ ϩⲓⲣⲱⲥ ⲛⲧⲡⲟⲗⲓⲥ ⲁϥϯⲟⲩⲣⲓⲁⲥ ⲉⲡⲙⲁ ⲏ ⲡⲉⲥⲡⲓⲣ ⲉⲧⲉϥⲥⲟⲟⲩⲛ ⲙⲙⲟϥ ϫⲉ ⲟⲩⲛ ϩⲉⲛⲣⲱⲙⲉ ⲛϫⲱⲱⲣⲉ ⲛϩⲏⲧϥ</ab>
17ⲁⲩⲱ ⲛⲣⲱⲙⲉ ⲛⲧⲡⲟⲗⲓⲥ ⲉⲧⲙⲙⲁⲩ ⲁⲩⲉⲓ ⲉⲃⲟⲗ ⲁⲩⲡⲟⲗⲉⲙⲉⲓ ⲙⲛ ⲓⲱⲁⲃ ⲁⲩϩⲉ ⲇⲉ ⲉⲃⲟⲗ ϩⲙ ⲡⲗⲁⲟⲥ ⲉⲃⲟⲗ ϩⲛ ⲛⲉϩⲙϩⲁⲗ ⲛ ⲁⲩⲙⲟⲩ ⲡⲕⲉⲟⲩⲣⲓⲁⲥ ⲡⲉⲭⲉⲧⲧⲁⲓⲟⲥ ⲁϥⲙⲟⲩ</ab>
18ⲓⲱⲁⲃ ⲇⲉ ⲁϥⲥϩⲁⲓ ⲛⲇⲁⲩⲉⲓⲇ ⲛⲛⲉϣⲁϫⲉ ⲧⲏⲣⲟⲩ ⲙⲡⲡⲟⲗⲉⲙⲟⲥ</ab>
19ⲁⲩⲱ ⲓⲱⲁⲃ ⲁϥϩⲱⲛ ⲉⲧⲟⲟⲧϥ ⲙⲡⲃⲁⲓϣⲓⲛⲉ ⲉϥϫⲱ ⲙⲙⲟⲥ ϫⲉ ⲉⲕϣⲁⲛⲟⲩⲱ ⲉⲕⲧⲁⲩⲟ ⲛⲛⲉϣⲁϫⲉ ⲧⲏⲣⲟⲩ ⲙⲡⲡⲟⲗⲉⲙⲟⲥ ⲉⲡⲣⲣⲟ</ab>
20ⲁⲩⲱ ⲉⲣϣⲁⲛⲡϭⲱⲛⲧ ⲙⲡⲣⲣⲟ ⲙⲟⲩϩ ⲛϥϫⲟⲟⲥ ⲉϩⲟⲩⲛ ⲉϩⲣⲁⲕ ϫⲉ ⲉⲧⲃⲉ ⲟⲩ ⲁⲧⲉⲧⲛϩⲉⲛⲧⲧⲏⲩⲧⲛ ⲉϩⲟⲩⲛ ⲉⲧⲡⲟⲗⲓⲥ ⲉⲙⲓϣⲉ ⲛⲙⲙⲁⲥ ⲛⲧⲉⲧⲛⲥⲟⲟⲩⲛ ⲁⲛ ϫⲉ ⲥⲉⲛⲁⲛⲉϫⲥⲟⲧⲉ ⲉⲃⲟⲗ ϩⲓϫⲛ ⲡⲥⲟⲃⲧ</ab>
21ⲛⲓⲙ ⲡⲉ ⲛⲧⲁϥⲡⲗⲏⲅⲏ ⲛⲁⲃⲓⲙⲉⲗⲉⲭ ⲡϣⲏⲣⲉ ⲛϩⲓⲉⲣⲟⲃⲁⲁⲗ ⲡϣⲏⲣⲉ ⲛⲛⲏⲣⲉⲓ ⲛⲟⲩⲥϩⲓⲙⲉ ⲁⲛ ⲧⲉ ⲛⲧⲁⲥⲛⲟⲩϫⲉ ⲉⲃⲟⲗ ⲉϫⲱϥ ⲛⲟⲩⲗⲁⲕⲙ ⲛⲱⲛⲉ ⲛⲥⲓⲕⲉ ⲉⲃⲟⲗ ϩⲓϫⲙ ⲡⲥⲟⲃⲧ ⲁⲩⲱ ⲁϥⲙⲟⲩ ϩⲛ ⲑⲁⲙⲁⲥⲓ ⲉⲧⲃⲉ ⲟⲩ ϭⲉ ⲛⲧⲱⲧⲛ ⲁⲧⲉⲧⲛϩⲉⲛⲧⲧⲏⲩⲧⲛ ⲉϩⲟⲩⲛ ⲉⲡⲥⲟⲃⲧ ⲉⲕⲉϫⲟⲟⲥ ⲛⲁϥ ⲛⲧⲉⲩⲛⲟⲩ ϫⲉ ⲡⲕⲉⲟⲩⲣⲓⲁⲥ ⲁϥⲙⲟⲩ</ab>
22ⲡⲃⲁⲓϣⲓⲛⲉ ⲇⲉ ⲛⲓⲓⲱⲁⲃ ⲁϥⲡⲱⲧ ⲉϩⲣⲁⲓ ⲉⲑ ⲁⲩⲱ ⲁϥⲧⲁⲩⲟ ⲉⲇⲁⲩⲉⲓⲇ ⲛⲛⲉϣⲁϫⲉ ⲧⲏⲣⲟⲩ ⲙⲡⲡⲟⲗⲉⲙⲟⲥ ⲛⲧⲁⲓⲱⲁⲃ ⲧⲁⲩⲟⲟⲩ ⲉⲣⲟϥ ⲉϫⲟⲟⲩ ⲁⲩⲱ ⲇⲁⲩⲉⲓⲇ ⲁϥϭⲱⲛⲧ ⲉⲓⲱⲁⲃ ⲡⲉϫⲁϥ ⲉϩⲟⲩⲛ ϩⲙ ⲡⲃⲁⲓϣⲓⲛⲉ ϫⲉ ⲉⲧⲃⲉ ⲟⲩ ⲣⲱ ⲁⲧⲉⲧⲛϩⲉⲛⲧⲧⲏⲩⲧⲛ ⲉϩⲟⲩⲛ ⲉⲧⲡⲟⲗⲓⲥ ⲉⲙⲓϣⲉ ⲛⲙⲙⲁⲥ ⲛⲧⲉⲧⲛⲥⲟⲟⲩⲛ ⲁⲛ ϫⲉ ⲥⲉⲛⲁⲡⲗⲏⲅⲏ ⲙⲙⲱⲧⲛ ⲉⲃⲟⲗ ϩⲓϫⲛ ⲡⲥⲟⲃⲧ ⲛⲓⲙ ⲡⲉ ⲛⲣⲱϩⲧ ⲛⲁⲃⲓⲙⲉⲗⲉⲭ ⲡϣⲏⲣⲉ ⲛϩⲓⲉⲣⲟⲃⲁⲁⲗ ⲛⲟⲩⲥϩⲓⲙⲉ ⲁⲛ ⲧⲉ ⲛⲧⲁⲥⲛⲟⲩϫⲉ ⲉⲃⲟⲗ ϩⲓϫⲱϥ ⲛⲟⲩϣⲧⲟ ⲛⲱⲛⲉ ⲛⲥⲓⲕⲉ ⲉⲃⲟⲗ ϩⲓϫⲛ ⲡⲥⲟⲃⲧ ⲁϥⲙⲟⲩ ⲉⲧⲃⲉ ⲟⲩ ϭⲉ ⲁⲧⲉⲧⲛϯⲧⲏⲩⲧⲛ ⲉⲧⲟⲩⲛ ⲡⲥⲟⲃⲧ</ab>
23ⲡⲉϫⲉⲛⲃⲁⲓϣⲓⲛⲉ ⲛ ϫⲉ ⲛⲣⲱⲙⲉ ⲁⲩϩⲟⲕⲟⲩ ⲁⲩⲉⲓ ⲉⲃⲟⲗ ⲉⲣⲟⲛ ⲉⲧⲥⲱϣⲉ ⲁⲛⲟⲛ ϩⲱⲱⲛ ⲁⲛⲧⲁⲁⲛ ⲉϩⲟⲩⲛ ⲛⲥⲱⲟⲩ ⲁⲛⲡⲱⲧ ⲛⲥⲱⲟⲩ ϣⲁ ⲉϩⲟⲩⲛ ⲉⲧⲡⲩⲗⲏ ⲛⲧⲉⲩⲡⲟⲗⲓⲥ</ab>
24ⲛⲇⲟⲝⲟⲧⲏⲥ ⲇⲉ ⲉⲩϩⲓϫⲛⲡⲥⲟⲃⲧ ⲁⲩⲛⲉϫⲥⲟⲧⲉ ⲉⲃⲟⲗ ⲉⲛⲉⲕϩⲙϩⲁⲗ ⲁⲩⲱ ⲁⲟⲩⲁⲛ ⲙⲟⲩ ⲉⲃⲟⲗ ϩⲛ ⲛⲉϩⲙϩⲁⲗ ⲙⲡⲣⲣⲟ ⲡⲉⲕⲕⲉϩⲙϩⲁⲗ ⲟⲩⲣⲓⲁⲥ ⲡⲉⲭⲉⲧⲧⲁⲓⲟⲥ ⲁϥⲙⲟⲩ</ab>
25ⲡⲉϫⲉ ⲉϩⲟⲩⲛ ϩⲙ ⲡⲃⲁⲓϣⲓⲛⲉ ϫⲉ ⲛⲁⲓ ⲛⲉⲧⲉⲕⲛⲁϫⲟⲟⲩ ⲉⲓⲱⲁⲃ ϫⲉ ⲙⲡⲉⲣⲧⲣⲉⲡⲉⲓϣⲁϫⲉ ⲑⲟ ⲛⲁϩⲣⲟⲕ ϫⲉ ⲛⲧⲉⲓϩⲉ ⲙⲛ ⲧⲁⲓ ⲧⲥⲏϥⲉ ⲛⲁⲙⲟⲟϣⲉ ⲛⲥⲟⲩⲱⲙ ⲛⲧⲟⲕ ⲧⲁϫⲣⲉⲡⲉⲕⲡⲟⲗⲉⲙⲟⲥ ϩⲓⲣⲱⲥ ⲛⲧⲡⲟⲗⲓⲥ ⲛⲅϫⲓⲧⲥ ⲛⲅⲧⲁⲧⲥ ⲉⲡⲕⲁϩ ⲁⲩⲱ ⲁϥⲧⲁϫⲣⲉⲡⲉϥϩⲏⲧ</ab>
26ⲧⲉⲥⲓⲙⲉ ⲇⲉ ⲛⲟⲩⲣⲓⲁⲥ ⲁⲥⲥⲱⲧⲙ ϫⲉ ⲁⲡⲉⲥϩⲁⲓ ⲟⲩⲣⲓⲁⲥ ⲙⲟⲩ ⲁⲥⲧⲟⲉⲓⲧ ⲉⲡⲉⲥϩⲁⲓ</ab>
27ⲁⲛⲉϩⲟⲟⲩ ⲇⲉ ⲙⲡϩⲏⲏⲃⲉ ⲟⲩⲉⲓⲛⲉ ⲁϥϫⲟⲟⲩ ⲛϭⲓ ⲁϥϫⲓⲧⲥ ⲉϩⲟⲩⲛ ⲉⲡⲉϥⲏⲓ ⲁⲥϣⲱⲡⲉ ⲛⲁϥ ⲛⲥϩⲓⲙⲉ ⲁⲥϫⲡⲟ ⲛⲁϥ ⲛⲟⲩϣⲏⲣⲉ ⲁⲩⲱ ⲡϣⲁϫⲉ ⲛⲧⲁ ⲁⲁϥ ⲁϥϣⲱⲡⲉ ⲛⲟⲩⲡⲟⲛⲏⲣⲟⲛ ⲛⲁϩⲣⲁϥ ⲙⲡϫⲟⲉⲓⲥ</ab>