1ⲁⲩϫⲓⲡⲟⲩⲱ ⲇⲉ ⲛⲇⲁⲩⲉⲓⲇ ⲉⲩϫⲱ ⲙⲙⲟⲥ ϫⲉ ⲉⲓⲥ ⲛⲁⲗⲗⲟⲫⲩⲗⲟⲥ ⲥⲉⲡⲟⲗⲉⲙⲉⲓ ⲙⲛ ⲕⲉⲉⲓⲗⲁ ⲁⲩⲱ ⲛⲧⲟⲟⲩ ⲥⲉⲧⲱⲣⲡ ⲛⲛⲉⲩϫⲛⲟⲟⲩ ⲥⲉϩⲱⲙ ⲙⲙⲟⲟⲩ ⲛⲁⲩ</ab>
2ⲇⲁⲩⲉⲓⲇ ⲇⲉ ⲁϥϫⲛⲉⲡϫⲟⲉⲓⲥ ⲉϥ<unclear reason="faded ink">ϫⲱ</unclear> ⲙⲙⲟⲥ ϫⲉ ⲉⲛⲉⲛⲧⲁⲛⲡⲱⲧ ⲉⲣⲁⲧⲟⲩ ⲛⲛⲁⲗⲗⲟⲫⲩⲗⲟⲥ ⲉⲧⲣⲁⲡⲁⲧⲁⲥⲥⲉ ⲙⲙⲟⲟⲩ ⲡⲉϫⲉⲡϫⲟⲉⲓⲥ ⲛⲇⲁⲩⲉⲓⲇ ϫⲉ ⲃⲱⲕ ⲁⲩⲱ ⲕⲛⲁⲡⲁⲧⲁⲥⲥⲉ ⲛⲛⲁⲗⲗⲟⲫⲩⲗⲟⲥ ⲛⲅⲧⲟⲩϫⲉⲧⲕⲉⲉⲓⲗⲁ</ab>
3ⲛⲣⲱⲙⲉ ⲇⲉ ⲛ ⲡⲉϫⲁⲩ ⲉϩⲟⲩⲛ ⲉϩⲣⲁϥ ϫⲉ ⲉⲓⲥ ϩⲏⲏⲧⲉ ⲁⲛⲟⲛ ⲉⲛϩⲙ ⲡⲉⲓⲙⲁ ϩⲛ ϯⲟⲩⲇⲉⲁ ⲧⲉⲛⲣϩⲟⲧⲉ ⲁⲩⲱ ⲁϣ ⲧⲉ ⲑⲉ ⲉⲧⲛⲁϣⲱⲡⲉ ⲙⲙⲟⲛ ⲉⲛϣⲁⲛⲃⲱⲕ ⲉϩⲣⲁⲓ ⲉⲧⲕⲉⲉⲓⲗⲁ ⲛⲧⲉⲛⲧⲁⲁⲛ ⲉϩⲟⲩⲛ ⲉⲛϣⲱⲗ ⲛⲧⲉ ⲛⲁⲗⲗⲟⲫⲩⲗⲟⲥ</ab>
4ⲇⲁⲩⲉⲓⲇ ⲟⲛ ⲁϥⲟⲩⲱϩ ⲉⲧⲟⲟⲧϥ ⲉϫⲛⲉⲡϫⲟⲉⲓⲥ ⲁⲩⲱ ⲡϫⲟⲉⲓⲥ ⲁϥⲟⲩⲱϣⲃ ⲉϥϫⲱ ⲙⲙⲟⲥ ⲛⲁϥ ϫⲉ ⲧⲱⲟⲩⲛ ⲛⲅⲃⲱⲕ ⲉϩⲣⲁⲓ ⲉⲧⲕⲉⲉⲓⲗⲁ ϫⲉ ⲁⲛⲟⲕ ⲡⲉⲧⲛⲁϯ ⲛⲛⲁⲗⲗⲟⲫⲩⲗⲟⲥ ⲉϩⲣⲁⲓ ⲉⲛⲉⲕϭⲓϫ</ab>
5ⲇⲁⲩⲉⲓⲇ ⲇⲉ ⲁϥⲃⲱⲕ ⲙⲛ ⲛⲉϥⲣⲱⲙⲉ ⲉϩⲣⲁⲓ ⲉⲧⲕⲉⲉⲓⲗⲁ ⲁⲩⲡⲟⲗⲉⲙⲉⲓ ⲙⲛ ⲛⲁⲗⲗⲟⲫⲩⲗⲟⲥ ⲛⲁⲗⲗⲟⲫⲩⲗⲟⲥ ⲇⲉ ⲁⲩⲡⲱⲧ ϩⲁ ⲧⲉⲩϩⲏ ⲇⲉ ⲁϥϥⲓ ⲛⲛⲉⲩⲧⲃⲛⲟⲟⲩⲉ ⲁⲩⲱ ⲁϥⲡⲁⲧⲁⲥⲥⲉ ⲙⲙⲟⲟⲩ ϩⲛ ⲟⲩⲛⲟϭ ⲙⲡⲗⲩⲅⲏ ⲇⲁⲩⲉⲓⲇ ⲇⲉ ⲁϥⲧⲟⲩϫⲟ ⲛⲛⲉⲧⲟⲩⲏϩ ϩⲛ ⲧⲕⲉⲉⲓⲗⲁ</ab>
6ⲛⲧⲉⲣⲉϥⲃⲱⲕ ⲇⲉ ⲛϭⲓ ⲁⲃⲓⲁⲑⲁⲣ ⲡϣⲏⲣⲉ ⲛⲁⲭⲓⲙⲉⲗⲉⲭ ⲉⲣⲁⲧϥ ⲛ ⲛⲧⲟϥ ϩⲱⲱϥ ⲁϥⲃⲱⲕ ⲉϩⲣⲁⲓ ⲉⲧⲕⲉⲉⲓⲗⲁ ⲙⲛ ⲇⲁⲩⲉ<unclear reason="faded ink">ⲓⲇ</unclear> ⲉⲣⲉⲡⲉⲫⲟⲩⲇ ϩⲛ ⲧⲉϥϭⲓϫ</ab>
7ⲥⲁⲟⲩⲗ ⲇⲉ ⲁⲩⲧⲁⲙⲟϥ ϫⲉ ⲁⲇⲁⲩⲉⲓⲇ ⲉⲓ ⲉϩⲣⲁⲓ ⲉⲧⲕⲉⲉⲓⲗⲁ ⲡⲉϫⲉⲥⲁⲟⲩⲗ ϫⲉ ⲁⲡⲛⲟⲩⲧⲉ ⲧⲁⲁϥ ⲉϩⲣⲁⲓ ⲉⲛⲁϭⲓϫ ϫⲉ ⲁϥϩⲱⲛ ⲉϩⲟⲩⲛ ⲛⲧⲉⲣⲉϥⲃⲱⲕ ⲉϩⲟⲩⲛ ⲉⲩⲡⲟⲗⲓⲥ ⲉⲥⲟⲣϫ ⲛⲣⲟ ϩⲓ ⲙⲟⲭⲗⲟⲩⲥ</ab>
8ⲥⲁⲟⲩⲗ ⲇⲉ ⲁϥϩⲱⲛ ⲉⲧⲟⲟⲧϥ ⲙⲡⲉϥⲗⲁⲟⲥ ⲧⲏⲣϥ ⲉⲡⲡⲟⲗⲉⲙⲟⲥ ⲉⲧⲣⲉⲩⲃⲱⲕ ⲉϩⲣⲁⲓ ⲉⲧⲕⲉⲉⲓⲗⲁ ⲉϭⲱⲡⲉ ⲛⲇⲁⲩⲉⲓⲇ ⲙⲛ ⲛⲉϥⲣⲱⲙⲉ ⲉⲧⲛⲙⲙⲁϥ</ab>
9ⲇⲉ ⲛⲧⲉⲣⲉϥⲉⲓⲙⲉ ϫⲉ ⲛⲥⲁⲟⲩⲗ ⲛⲁⲟⲃϣϥ ⲁⲛ ⲉⲧⲕⲁⲕⲓⲁ ⲉⲧⲉⲟⲩⲉⲛⲧⲁϥⲥⲉ ⲉϩⲟⲩⲛ ⲉⲣⲟϥ ⲡⲉϫⲉⲇⲁⲩⲉⲓⲇ ⲛⲁⲃⲓⲁⲑⲁⲣ ⲡⲟⲩⲏⲏⲃ ϫⲉ ⲁⲩⲉⲡⲉⲫⲟⲩⲇ ⲙⲡϫⲟⲉⲓⲥ ⲉⲡⲉⲓⲙⲁ</ab>
10ⲁⲩⲱ ⲡⲉϫⲉⲇⲁⲩⲉⲓⲇ ϫⲉ ⲡϫⲟⲉⲓⲥ ⲡⲛⲟⲩⲧⲉ ⲙⲡ ϩⲛ ⲟⲩⲥⲱⲧⲙ ⲁⲡⲉⲕϩⲙϩⲁⲗ ⲥⲱⲧⲙ ϫⲉ ⲥⲁⲟⲩⲗ ⲕⲱⲧⲉ ⲛⲥⲁ ⲑⲉ ⲉⲉⲓ ⲉϩⲣⲁⲓ ⲉⲧⲕⲉⲉⲓⲗⲁ ⲉⲧⲁⲕⲉⲧⲡⲟⲗⲓⲥ ⲉⲧⲃⲏⲏⲧ</ab>
11ⲉⲛⲉⲥⲉⲛⲁⲧⲁⲁⲥ ⲉϩⲣⲁⲓ ⲉⲧⲟⲟⲧϥ ⲁⲩⲱ ⲧⲉⲛⲟⲩ ⲉⲛⲉⲥⲁⲟⲩⲗ ⲛⲁⲉⲓ ⲉϩⲣⲁⲓ ⲉⲡⲉⲓⲙⲁ ⲕⲁⲧⲁ ⲑⲉ ⲛⲧⲁⲡⲉⲕϩⲙϩⲁⲗ ⲥⲱⲧⲙ ⲡϫⲟⲉⲓⲥ ⲡⲛⲟⲩⲧⲉ ⲙⲡ ⲁⲓⲟ ⲧⲁⲙⲉⲡⲉⲕϩⲙϩⲁⲗ</ab>
12ⲡⲉϫⲉⲡϫⲟⲉⲓⲥ ϫⲉ ⲥⲉⲛⲁⲧⲁⲁⲥ</ab>
13ⲇⲁⲩⲉⲓⲇ ⲇⲉ ⲁϥⲧⲱⲟⲩⲛ ⲙⲛ ⲛⲉϥⲣⲱⲙⲉ ⲉⲩⲛⲁⲣϥⲧⲟⲟⲩ ⲛϣⲉ ⲛⲣⲱⲙⲉ ⲁⲩⲉⲓ ⲉⲃⲟⲗ ϩⲛ ⲧⲕⲉⲉⲓⲗⲁ ⲁⲩⲙⲟⲟϣⲉ ⲉⲡⲙⲁ ⲉⲧⲟⲩⲛⲁⲃⲱⲕ ⲉⲣⲟϥ</ab>
14ⲁⲩⲱ ⲇⲁⲩⲉⲓⲇ ⲁϥϩⲙⲟⲟⲥ ϩⲛ ⲧⲉⲣⲏⲙⲟⲥ ϩⲙ ⲡⲧⲟⲟⲩ ⲛⲥⲓⲫ ϩⲙ ⲡⲧⲟⲟⲩ ⲉⲧⲣⲟⲕϩ ϩⲙ ⲡⲧⲟⲟⲩ ⲉⲧⲛⲁϣⲧ ⲁⲩⲱ ⲥⲁⲟⲩⲗ ⲛⲉϥⲕⲱⲧⲉ ⲛⲥⲱϥ ϩⲛ ϩⲟⲟⲩ ⲛⲓⲙ ⲙⲡⲉⲡϫⲟⲉⲓⲥ ⲇⲉ ⲧⲁⲁϥ ⲉϩⲣⲁⲓ ⲉⲧⲟⲟⲧϥ</ab>
15ⲇⲁⲩⲉⲓⲇ ⲇⲉ ⲁϥⲉⲓⲙⲉ ϫⲉ ⲥⲁⲟⲩⲗ ⲛⲁⲉⲓ ⲉⲃⲟⲗ ⲉⲕⲱⲧⲉ ⲛⲥⲱϥ ⲁⲩⲱ ⲛⲉϥϩⲛⲡⲧⲟⲟⲩ ⲉⲧⲛⲁϣⲧ ϩⲙ ⲡⲙⲁ ⲛⲃⲣⲣⲉ ⲛⲥⲓⲫ</ab>
16ⲓⲱⲛⲁⲑⲁⲛ ⲇⲉ ⲡϣⲏⲣⲉ ⲛⲥⲁⲟⲩⲗ ⲁϥⲧⲱⲟⲩⲛ ⲁϥⲃⲱⲕ ⲉⲣⲁⲧϥ ⲛⲇⲁⲩⲉⲓⲇ ⲉϩⲣⲁⲓ ⲉⲧⲕⲁⲓⲛⲏ ⲁϥⲧⲁϫⲣⲉⲧⲟⲟⲧϥ ⲛⲙⲙⲁϥ ϩⲙ ⲡϫⲟⲉⲓⲥ</ab>
17ⲉϥϫⲱ ⲙⲙⲟⲥ ⲛⲁϥ ϫⲉ ⲙⲡⲣⲣϩⲟⲧⲉ ⲛⲧϭⲓϫ ⲛⲥⲁⲟⲩⲗ ⲡⲁⲉⲓⲱⲧ ⲛⲁϩⲉ ⲉⲣⲟⲕ ⲁⲛ ⲁⲗⲗⲁ ⲛⲧⲟⲕ ⲡⲉⲧⲛⲁⲣⲣⲣⲟ ⲉϫⲙ ⲡ ⲁⲛⲟⲕ ϩⲱ ⲛⲧⲁϣⲱⲡⲉ ⲛⲁⲕ ⲙⲙⲉϩⲥⲛⲁⲩ ϩⲓⲧⲟⲩⲱⲕ ⲁⲩⲱ ⲥⲁⲟⲩⲗ ⲡⲁⲉⲓⲱⲧ ⲥⲟⲟⲩⲛ ⲙⲡⲉⲓⲧⲱϣ</ab>
18ⲛⲧⲟⲟⲩ ⲇⲉ ϩⲓ ⲟⲩⲥⲟⲡ ⲁⲩⲥⲙⲛⲇⲓⲁⲑⲏⲕⲏ ⲙⲛ ⲛⲉⲩⲉⲣⲏⲩ ⲙⲡⲙⲧⲟ ⲉⲃⲟⲗ ⲙⲡϫⲟⲉⲓⲥ ⲁⲩⲱ ⲇⲁⲩⲉⲓⲇ ⲛⲉϥϩⲙⲟⲟⲥ ϩⲛ ⲧⲕⲁⲓⲛⲏ ⲓⲱⲛⲁⲑⲁⲛ ⲇⲉ ⲁϥⲃⲱⲕ ⲉϩⲣⲁⲓ ⲉⲡⲉϥⲏⲓ</ab>
19ⲛⲣⲱⲙⲉ ⲇⲉ ⲛⲥⲓⲫ ⲁⲩⲉⲓ ⲉϩⲣⲁⲓ ϩⲙ ⲡⲕⲁϩ ⲉⲧⲛⲁϣⲧ ⲉⲣⲁⲧϥ ⲛⲥⲁⲟⲩⲗ ⲉⲡⲃⲟⲩⲛⲟⲥ ⲉⲩϫⲱ ⲙⲙⲟⲥ ⲛⲁϥ ϫⲉ ⲉⲓⲥ ⲇⲁⲩⲉⲓⲇ ⲕⲏⲡ ϩⲁⲧⲏⲛ ϩⲙ ⲙⲉⲥⲥⲁⲣⲁ ϩⲙ ⲡⲙⲁ ⲉⲧϩⲉϫϩⲱϫ ϩⲛ ⲧⲕⲁⲓⲛⲏ ϩⲙ ⲡⲃⲟⲩⲛⲟⲥ ⲛⲉⲭⲉⲗⲁ ⲡⲉⲧⲥⲁⲟⲩⲛⲁⲙ ⲛⲓⲉⲥⲥⲁⲙⲟⲩⲛ ⲉⲧⲉⲡⲧⲟⲟⲩ ⲡⲉ</ab>
20ⲧⲉⲛⲟⲩ ϭⲉ ⲡⲟⲩⲱϣ ⲛⲧⲉⲯⲩⲭⲏ ⲙⲡⲣⲣⲟ ⲁⲣⲓϥ ⲁⲩⲱ ⲙⲁⲣⲉ ⲡⲣⲣⲟ ⲧⲱⲟⲩⲛ ⲛϥⲉⲓ ⲛⲙⲙⲁⲛ ⲁⲛⲟⲛ ⲅⲁⲣ ⲛⲉⲕϩⲙϩⲁⲗ ⲁⲛⲟⲣⲃⲉϥ ⲉϩⲟⲩⲛ ⲉⲧⲁⲁϥ ⲉϩⲣⲁⲓ ⲉⲧⲟⲟⲧϥ ⲙⲡⲣⲣⲟ</ab>
21ⲡⲉϫⲉⲥⲁⲟⲩⲗ ⲛⲁⲩ ϫⲉ ⲧⲉⲧⲛⲥⲙⲁⲙⲁⲁⲧ ⲛⲧⲱⲧⲛ ⲛⲧⲟⲟⲧϥ ⲙⲡϫⲟⲉⲓⲥ ϫⲉ ⲁⲧⲉⲧⲛⲙⲕⲁϩ ⲛϩⲏⲧ ⲛⲧⲱⲧⲛ ϩⲁⲣⲟⲓ</ab>
22ⲃⲱⲕ ϭⲉ ⲛⲧⲉⲧⲛϯϩⲧⲏⲧⲛ ⲛⲧⲉⲧⲛⲉⲓⲙⲉ ⲟⲛ ⲉⲡⲙⲁ ⲧⲁⲭⲏ ⲉⲣⲉⲣⲁⲧϥ ⲥⲙⲟⲛⲧ ⲛϩⲏⲧϥ ⲡⲙⲁ ⲛⲧⲁⲧⲉⲧⲛϫⲟⲟⲥ ⲉⲧⲃⲏⲏⲧϥ ⲙⲏⲡⲟⲧⲉ ⲟⲛ ⲛϥⲉⲓⲣⲉ ⲛⲟⲩⲙⲛⲧⲕⲣⲟϥ</ab>
23ⲁⲛⲁⲩ ϭⲉ ⲛⲧⲉⲧⲛⲉⲓⲙⲉ ⲁⲩⲱ ϯⲛⲁⲉⲓ ⲛⲙⲙⲏⲧⲛ ⲉϣⲱⲡⲉ ϭⲉ ϥϩⲓϫⲙ ⲡⲕⲁϩ ϯⲛⲁϩⲟⲧϩⲉⲧ ⲛⲥⲱϥ ϩⲛ ⲛⲁⲛⲧⲁϣ ⲧⲏⲣⲟⲩ ⲛⲧⲉ ⲙⲙⲏⲏϣⲉ ⲛⲓⲟⲩⲇⲁ</ab>
24ⲁⲩⲱ ⲛⲉⲣⲱⲙⲉ ⲛⲥⲓⲫⲉⲩⲥ ⲁⲩⲧⲱⲟⲩⲛ ⲁⲩⲉⲓ ⲉⲃⲟⲗ ϩⲓⲑⲏ ⲛⲥⲁⲟⲩⲗ ⲇⲁⲩⲉⲓⲇ ⲇⲉ ⲙⲛ ⲛⲉϥⲣⲱⲙⲉ ⲛⲉⲩϩⲛⲧⲉⲣⲏⲙⲟⲥ ⲙⲙⲁⲁⲛ ϩⲙ ⲡⲙⲁ ⲛϩⲱⲧⲡ ⲛⲥⲁ ⲟⲩⲛⲁⲙ ⲛⲓⲉⲥⲥⲁⲓⲙⲟⲩⲛ</ab>
25ⲁⲩⲱ ⲥⲁⲟⲩⲗ ⲙⲛ ⲛⲉϥⲣⲱⲙⲉ ⲁⲩⲃⲱⲕ ⲉϯⲟⲩⲟⲓ ⲛⲥⲱϥ ⲁⲩⲧⲁⲙⲉ ⲇⲉ ⲁϥⲧⲱⲟⲩⲛ ⲁϥⲃⲱⲕ ⲉϩⲣⲁⲓ ⲉⲧⲡⲉⲧⲣⲁ ⲉⲧϩⲛⲧⲉⲣⲏⲙⲟⲥ ⲙⲙⲁⲁⲛ ⲁⲩⲱ ⲥⲁⲟⲩⲗ ⲁϥⲥⲱⲧⲙ ⲁϥⲧⲱⲟⲩⲛ ⲁϥⲡⲱⲧ ⲛⲥⲁ ⲉϩⲣⲁⲓ ⲉⲧⲉⲣⲏⲙⲟⲥ ⲙⲙⲁⲁⲛ</ab>
26ⲁⲩⲱ ⲥⲁⲟⲩⲗ ⲙⲛ ⲛⲉϥⲣⲱⲙⲉ ⲛⲉϩⲙⲡⲓⲥⲁ ⲙⲡⲧⲟⲟⲩ ⲇⲁⲩⲉⲓⲇ ⲇⲉ ϩⲱⲱϥ ⲙⲛ ⲛⲉϥⲣⲱⲙⲉ ⲛⲉⲩϩⲙⲡⲓⲥⲁ ⲙⲡⲧⲟⲟⲩ ⲇⲉ ⲛⲉⲣⲉⲡⲛⲟⲩⲧⲉ ⲣⲟⲉⲓⲥ ⲉⲣⲟϥ ⲉⲧⲣⲉϥⲛⲟⲩϩⲙ ⲉⲡϩⲟ ⲛⲥⲁⲟⲩⲗ ⲥⲁⲟⲩⲗ ⲇⲉ ⲙⲛ ⲛⲉϥⲣⲱⲙⲉ ⲁⲩⲥⲱⲣ ⲉⲃⲟⲗ ⲉ ⲙⲛ ⲛⲉϥⲣⲱⲙⲉ ⲉϭⲟⲡⲟⲩ</ab>
27ⲟⲩⲃⲁⲓϣⲓⲛⲉ ⲇⲉ ⲉⲁϥⲉⲓ ⲉⲣⲁⲧϥ ⲛⲥⲁⲟⲩⲗ ⲉϥϫⲱ ⲙⲙⲟⲥ ϫⲉ ⲧⲱⲟⲩⲛ ⲁⲙⲟⲩ ⲧⲁⲭⲏ ϫⲉ ⲛⲁⲗⲗⲟⲫⲩⲗⲟⲥ ⲁⲩⲧⲱⲟⲩⲛ ⲉϫⲛ ⲡⲉⲛⲕⲁϩ</ab>
28ⲁⲩⲱ ⲥⲁⲟⲩⲗ ⲁϥⲕⲟⲧϥ ⲉⲡⲁϩⲟⲩ ⲉⲧⲙⲡⲱⲧ ⲛⲥⲁ ⲇⲁⲩⲉⲓⲇ ⲁⲩⲱ ⲥⲁⲟⲩⲗ ⲁϥⲃⲱⲕ ⲉⲣⲁⲧⲟⲩ ⲛⲛⲁⲗⲗⲟⲫⲩⲗⲟⲥ ⲉⲧⲃⲉ ⲡⲁⲓ ⲁⲩⲙⲟⲩⲧⲉ ⲉⲡⲣⲁⲛ ⲙⲡⲙⲁ ⲉⲧⲙⲙⲁⲩ ϫⲉ ⲧⲡⲉⲧⲣⲁ ⲛⲧⲁⲥⲡⲱⲣϫ</ab>
29<gap reason=""/>